მომღერალ ნოდიკო ტატიშვილს კორონავირუსი დაუდასტურდა. ამის შესახებ მან “პრაიმამბებს” განუცხადა.
– ნოდიკო, როგორ დაინფიცირდით?
– ჩემს ახლობელს დაუდგინდა კორონავირუსი, რომელიც ხუთშაბათს ვნახე, არც გადამიკოცნია, უბრალოდ დახურულ სივრცეში ვიყავით ერთად. ღამე დაუდასტურდა მას კორონავირუსი და მე გადავედი თვითიზოლაციაში. არანაირი სიმპტომები არ მქონდა, მაგრამ მშობლებთან და მეგობრებთანაც კი არ მქონია კონტაქტი. გუშინ გამოვიძახე ლაბორატორია, გამიკეთეს ტესტი და აღმოვჩნდი კოვიდდადებითი. პირველად მაშინ მომცა სიცხე, რაც ალბათ სტრესმა გამოიწვია. დღეს განმეორებითმა ტესტმაც დადებითი პასუხი აჩვენა. ახლა მაქვს ტემპერატურა 37.5. მინდა მოვუწოდო ყველა ადამიანს, ფრთხილად იყვნენ, რადგან კორონავირუსი უსიმპტომოდ მიმდინარეობს ადამიანებში და შესაძლოა სხვა დავაინფიციროთ. ამიტომ დავიცვათ ყველა რეკომენდაცია.
