ტელესახე ანი გიუნტერი სოციალურ ქსელში გავრცელებულ “ვოლტის” მომხმარებლისა და კურიერის მიმოწერის შესახებ თავის კომენტარს აკეთებს. მომხმარებელს კურიერმა კომპლიმენტი მისწერა, პასუხად კი შუათითის კომბინაციის “სმაილი” და მუქარა მიიღო.
ანი გიუნტერი: – მთელი დღეა მიდის “ვოლტის”კურიერის და მომხმარებლის მიმოწერის გარჩევა. ალბათ, ყველა ვფიქრობთ, თუ როგორ მოვიქცევით ჩვენ ამ დროს.
პირველ რიგში ჩვენ ვხედავთ საკითხს ისე,რა მნიშვნელობასაც ვანიჭებთ ფაქტს.როცა ყოფილმა ფოტო დაგილაიქა ნიშნავს რომ მხოლოდ დაგილაიქა და არ ნიშნავს, რომ ნანობს და ამ გადიდებული ფოტოთი და ბეჭდით ხელში გადგება კარზე.
როცა ვინმე გეტყვის: რა ლამაზი ხარ! ნიშნავს, რომ უბრალოდ ლამაზად აღგიქვა და არ ნიშნავს,რომ მის გვერდით ლამაზ ცხოვრებას გპირდება და საერთოდ პირადად მე ვთვლი, რომ ქალი არ შეიძლება იყოს სასურველი და სექსუალური ერთი კონკრეტული ადამიანისთვის.
რაც გინდა მითხარით (სასურველია ისევ კონპლიმენტი), მაგრამ როცა ტაქსში ვჯდები მსიამოვნებს რომ მეუბნებიან ლამაზი ხარო. როცა დილის 5 ზე მეეზოვე ნაგვის მანქანის დაცლის ხმაურის ფონზე გაჰყვირის: ვაა რა კაი ხარ დილაადრიან! ენერგიით ვივსები, უბრალოდ ვიღებ ამ დადებით მუხტს და მეტს არაფერს.
ხოდა, ამ დროს სად გრჩება ენერგია მუქარისთვის? იძახით ყველა კაცი მშიშარაა და აქეთ სულ აშინებთ. მე ვიძახი, რომ ყველა თამამია და აქეთ ვამხნევებ.
როდის უნდა მორჩეს ეს მუქარა და შანტაჟი ბავშვებით ,სამსახურით, ყველაფრით, რაც ადამიანისთვის ღირებულია? არ მითხრათ ახლა – შენ ანი ხარ გიუნტერი და ის ადა ლომთაძე, გერმანელი ხარ და ვერ გაიგებო. მრავალი წელია ამას ვისმენ და გაიგეთ, რომ არ აქვს თავისუფალი გრძნობების ან თუნდაც სიტყვების მიმღებლობას ეროვნება და სტატუსი.
მიიღეთ ქათინაური, მიიღეთ კვება გამოძახებით, მიიღეთ სხვისი მდგომარეობა და Wolt! არ მიიღოთ ამ კაცის სამსახურიდან გაშვების გადაწყვეტილება! იქნებ ის ადამიანიც აღარ ფიქრობს, რომ ეს სწორი გადაწყვეტილებაა.
