მომღერალი ნინო ქათამაძე სოციალურ ქსელში ოპოზიციის მიერ ორგანიზებულ ხვალინდელ აქციასთან დაკავშირებით, პოსტს აქვეყნებს . „პრაიმტაიმი“ პოსტს უცვლელად გთავაზობთ:
„ჩვენვე უნდა გადავწყვიტოთ როგორი ცხოვრება გვინდა. შვილების ბედნიერებით განათებული ქვეყანა, ფერადი სახლები, ყვავილებით სავსე ქუჩები, მუსიკით და ლექსებით სავსე საღამოები..თუ, ნაცრისფერი კედლები, უბედური მშობლები, გაძარცვულისახლები, ბნელი ღამეები, მკვდარი ყვავილები.. ხვალ, ჩვენი ფასეულობების ბრძოლის დღეა. თუ ვერ შეძლებთ მოსვლას, ფანჯრები გააღეთ, დარაბები გახსენით, აივნები და ყვავილები შემოგვაგებეთ“, – წერს ნინო ქათამაძე.
ინფორმაციისთვის, ხვალ ოპოზიცია პარლამენტის შენობის წინ აქციას მართავს. ოპოზიცია არჩევნების შედეგებს აპროტესტებს.
