ცნობილ ქართველ მომღერალს ზურა დოიჯაშვილს, საქართველოში დღეს ჩამოასვენებენ. ზურაბ დოიჯაშვილი ეკონომიკური კრიზისის გამო, საქართველოდან რამდენიმე წლის წინ გაემგზავრა ისრაელში, სადაც მოულოდნელად ჯანმრთელობის პრობლემები შეექმნა და თვეების მანძილზე ხელოვნური სუნთქვის აპარატზე იყო შეერთებული.
ზურა დოიჯაშვილის გარდაცვალებამ უამრავ ადამიანს დაწყვიტა გული. სოციალურ ქსელში, ცოტა ხნის წინ პოსტი გამოაქვეყნა მომღერალმა ზურა ხაჩიძემაც.
„დღეს თბილისში დაეშვება თვითმფრინავი თელავივიდან და გული მაქვს გაგლეჯილი, როგორ უნდა დავხვდე ჩემო ზურა შენს გაციებულ სხეულს, მაგრამ უკვდავ სულს.
მეგონა ვიცოდი, მაგრამ შენ მასწავლე რა არის ნამდვილი ძმაკაცობა,შენ მასწავლე რა არის მოყვასის სიყვარული,შენ მასწავლე როგორ უნდა გიყვარდეს სამშობლო,როგორ უნდა აფასებდე შენს ქალაქს და რა არის გერქვას თბილისელი, როგორ უნდა მიუძღვნა შენი თავის სხვას როცა მას ჭირდები, როგორ უნდა გიყვარდეს შენი ოჯახი და კიდევ ბევრი სხვა ბევრი რამე.
მე ხმამაღლა შემიძლია ვთქვა, რომ შენგან ძალიან ბევრი რამე ვისწავლე ჩემო დოიჯ…
ბედნიერი ვარ ყველა წუთისთვის, ყველა წამისთვის რომელიც შენთან გავატარე, მადლობა ძმაო ყველაფრისთვის. მთელი ცხოვრება ცოცხალი იქნები ჩემს გულში, ხშირად მოვალ როცა გამიჭირდება შენს საფლავთან და ხშირად ვილაპარაკებთ ყველაფერზე.
მაპატიე რომ უკანასკნელი თხოვნა ვერ აგისრულე რა მიზეზით არაქვს მნიშვნელობა…
შენ ამ ქვეყანაში ბევრი სიკეთე დატოვე და ბევრი იბრძოლე სხვადასხვა ეტაპზე ამ ქვეყნისთვის. გულუხვად გაეცი სიკეთე ადამიანებში და კიდევ დიდი ხანი არ დაავიწყდება ამ ქვეყანას შენი უანგარო თანადგომა. მიყვარახარ ზურა ძმაო!!“
დღეს თბილისში დაეშვება თვითმფრინავი თელავივიდან და გული მაქვს გაგლეჯილი,როგორ უნდა დავხვდე ჩემო ზურა შენს გაციებულ…
Posted by Zura Khachidze on კვირა, 21 თებერვალი, 2021
