თეონა კონტრიძე თავის ფეისბუქგვერდზე გამოქვეყნებულ ვიდეოთი გვამცნობს, რომ სოლო კონცერტი, რომელსაც 9 აპრილს მართავს, დიდი ხანია იგეგმებოდა. კონცერტის ორ ბილეთს მოიგებს ის, ვინც იმ ალბომისთვის, მოიფიქრებს ყველაზე დასამახსოვრებელ, იუმორისტულ, ქარიზმატულ, cool სახელწოდებას, რომელიც კონტრიძემ ბენდთან ერთად ჩაწერა.
მოსკოვში მცხოვრები ქართველი მომღერლის კონცერტი რუსულ საიტზე www.redkassa.ru დაანონსდა, რომელიც საკონცერტო დარბაზ Vegas City Hall-ში 9 აპრილს გაიმართება.
სწორედ იმ ფაქტმა, რომ ქართველი მომღერალი 9 აპრილს რუსეთში ატარებს კონცერტს, საქართველოში ბევრი ადამიანის გაღიზიანება გამოიწვია. სოციალურ ქსელში კონტრიძის არასასურველ კონტექსტში მომხსენებლებს კი მომღერალი ნინი შერმადინი პასუხობს.
ნინი შერმადინი: – იქნებ 9 აპრილს უნდა მიუძღვნას და ქართულად იმღეროს? იცის ვინმემ კონცერტის მიზანი? სანამ ჩაატარებს და იმღერებს, იქამდე რატო შეაჩვენეთ ადამიანი?
9 აპრილის მემორიალზე ცეკვავდნენ ჩახდილი ქართველები და საქართველოს მოქალაქეები და იმათ საქციელს არ მოყოლია ამდენი აგრესია.
რა ხდება, რა ყველა მოღალატეა და ქვეყნის გამყიდველი, ვინც რუსეთში ან სხვა ქვეყენაში მოღვაწეობს. ჩამოვიდნენ და ვინ არჩენს, ან ვინ დაუფასებს? გვეყოფა ამდენი ფსევდო პატრიოტიზმი!
რუსეთი მე მტრის მეტად არაფრად მიმაჩნია. მაგრამ საქართველოდან წასულ რუს მოქალაქეებს აღარაფერი ქართული და პატრიოტული აღარ უნდა მოვთხოვოთ. ის იმ ქვეყნის მოქალაქეა, მის ინტერესებს იცავს და იმ ქვეყანას წარმოადგენს. სამწუხაროდ.
