სოფო ხალვაშმა სოციალურ ქსელში მამამთილთან, ფეხბურთელ რეზო ძოძუაშვილთან ერთად გადაღებული ფოტო გამოაქვეყნა. ბათუმში 27 ოქტომბერს ცენტრალური სტადიონი გაიხსნა და გახსნაზე სხვა ვეტერან ფეხბურთელებთან ერთად იყო ძოძუაშვილიც.
სოფო ხალვაში: – კაპელასთან, სულხან ჯაიანთან და ოთარ ნაკაშიძესთან ერთად ჰიმნი შევასრულე. მთელი საქართველო ელოდებოდა ამ სტადიონის გახსნას. ისეთი ლამაზი, მასშტაბური და თანამედროვე სტანდარტებით აღჭურვილია, რომ ფეხბურთელები აღფრთოვანებულნი არიან. მაგალითად, ჩემი მამათილი, რომელსაც მსოფლიოს ბევრი სტადიონი აქვს ნანახი, გაოცებული იყო. მიხარია, რომ ასეთი ლამაზი სტადიონი სწორედ ჩემს ქალაქშია.
გახსნა გაზაფხულს იგეგმებოდა, გრანდიოზულად, თუმცა არსებულმა სიტუაციამ ხელი შეგვიშალა და სიმბოლურად ახლა გაიხსნა. საფეხბურთო გუნდს სჭირდებოდა და აუცილებლად უნდა გახსნილიყო. მოგვიანებით გრანდიოზული გახსნაც იგეგმება.
