დანიის პრემიერ-მინისტრის მატე ფრედერიკსენის განცხადებით, ქვეყანაში 15 მილიონ წაულას გაანადგურებენ. ამის მიზეზი ცხოველებში SARS-CoV-2 ვირუსის მუტაცია გახდა, რომელსაც შეუძლია გადავიდეს ადამიანებზე.
პრემიერ-მინისტრის თქმით, მუტირებული კორონავირუსი აღმოჩნდა იუტლანდიის ხუთ ფერმაში. შედეგად კი 12 ადამიანი დაინფიცირდა.
დანია ევროპაში წაულას ბეწვის უდიდესი მწარმოებელია. თევზჭერისა და სურსათის მინისტრი მორგენ ენსენი ფერმერებს დაპირდა, რომ სახელმწიფო მათ დაეხმარება – წერს Deutsche Welle.
აღსანიშნავია, რომ კორონავირუსი უკვე დაფიქსირდა ქვეყნის 200-ზე მეტ ფერმაში, 67 მათგანში ყველა ცხოველი უკვე გაანადგურეს. ივნისის დასაწყისში მსგავსი გადაწყვეტილება მიიღო ნიდერლანდების ხელისუფლებამაც, სადაც დანიის მსგავსად კორონავირუსის აფეთქება ასევე წაულას ფერმებში მოხდა.
