რუსეთში მცხოვრები ქართველი მომღერალი, ვალერი მელაძე ხმაურიანი სკანდალის შემდეგ, სოციალურ ქსელში მიმართვას ავრცელებს და ექიმებს სთხოვს, მისცენ საშუალება მათ კოვიდინფიცირებულების მოვლაში დაეხმაროს.
“ექიმებთან მივდივარ, პირველ ეტაპზე მოსკოვის კლინიკებში, იმიტომ რომ აქ ვცხოვრობ. მედიკოსებო მომეცით უფლება, მოვიდე სამკურნალო განყოფილებებში და ასევე დამრთეთ წითელ ზონაში შესვლის უფლება, სადაც კოვიდინფიცირებული პაციენტები მკურნალობენ. მინდა პირადად დაგეხმაროთ მათზე მზრუნველობაში,
მინდა დახმარება გავუწიო როგორც ექიმებს ასევე პაციენტებს, თუნდაც მორალურად. ამას არ ვაკეთებ პიარ-კამპანიისთვის, ამიტომაც ვთიშავ კომენტარებს. მინდა როგორც შევძლებ ისე დაგეხმაროთ” – ამბობს ვალერი მელაძე.
შეგახსენებთ, ვალერი მელაძემ რამდენიმე დღის წინ, კოლეგებს მოუწოდა უარი თქვან საახალწლო პროექტებში მონაწილეობაზე, რადგან არტისტები უკვე რამდენიმე თვეა შემოსავლის გარეშე არიან დარჩენილი.
