87 წლის ჯემალ ღაღანიძეს  მესამე შვილთაშვილი 19 ნოემბერს შეეძინა. მისი შვილიშვილი, მსახიობი სანდრო მიკაჩაძე-ღაღანიძე, რომელიც ბაბუის სიყვარულით მის გვარსაც ატარებს, მესამე ქალიშვილის მამა გახდა. სანდროს 9 წლის გოგონა პირველი ქორწინებიდან ჰყავს. ორი ქალიშვილი კი საყვარელ მამაკაცს თამუნა მუსერიძემ აჩუქა.

საკეისრო კვეთა 24 ნოემბერს იყო ჩანიშნული, თუმცა პატარა ხუთი დღით ადრე მოევლინა ქვეყნიერებას.

“ანიკა სანდრომ დაარქვა. ცხრა შვილი მყავს და ერთზე მაინც დამარქმევინე სახელიო. და მივეცი ამის უფლება” – გვითხრა თამუნამ.

დიდ ბაბუას, რომელიც ძირითადად სახლშია და სახსრების ტკივილის გამო წევს, ახალშობილი შვილთაშვილი უკვე აჩვენეს.

ჯემალ ღაღანიძე თავის ემოციებს გვიზიარებს.

ჯემალ ღაღანიძე: – ვნახე უკვე შვილთაშვილი. მომიყვანეს პატარა ანიკა. სანდრო ისეთი მამაა, რომ არ ველოდი. ძალიან მზრუნველი მშობელი აღმოჩნდა. ხელიდან არ უშვებს ბავშვებს. ვფიქრობდი, რომ ცუღლუტი მამა იქნებოდა. მაგრამ ძალიან ყურადღებით არის ბავშვებთან.

დიდი მადლობა, გენაცვალე. ბევრი მისალოცი გყოლოდეთ.