83 წლის ასაკში გარდაიცვალა პიანისტი, საქართველოს დამსახურებული არტისტი, ვანო სარაჯიშვილის სახელობის თბილისის სახელმწიფო კონსერვატორიის პედაგოგი (ფორტეპიანო, პიანიზმის ისტორია), პროფესორი და ემერიტუსი – რევაზ თავაძე.
საქართველოს რადიო “მუზა”-ში მან გააკეთა გადაცემათა ციკლი “საუბრები პიანიზმის ისტორიაზე”.
ღვაწლმოსილი პედაგოგის წასვლამ დაასევდიანა მუსიკალური სამყარო. პროდიუსერი და გაერთიანება “კონცეპტარტის” დაამარსებელი თეონა ჯორბენაძე ასე იხსნებს ბატონ რეზოს.
თეონა ჯორბენაძე: – ძალიან სევდიანი დილაა… კიდევ ერთი ანგელოზი გაგვიფრინდა… საკუთარი მისიის ზუსტი ამომცნობი და მსახური, ბოლომდე დაიხარჯა, ბოლომდე გასცა.
საქართველოს დამსახურებული არტისტისა და პედაგოგის წოდებას შესაძლოა კიდევ ბევრი ატარებდეს, მაგრამ ეს არასდროს არის მთავარი. რეზო თავაძე ჯილდოებთან თუ წოდებებთან ერთად, იყო უმაღლესი ხარიხსის ადამაინი, ჩვენზე თანამედროვე აზროვნებით, იუმორითა და საიტერესო ამბებით სავსე.
მადლობა, ბატონო რეზო, მეგობრობისთვის და თქვენი უდიდესი გამოცდილების გაზიარებისთვის. თუკი იდეალები არსებობს დედამიწაზე, ამის მაგალითი ჩემთვის თქვენ იყავით.
დიდი სიყვარულით გემშვიდობებით. ვუსამძიმრებ თქვენს ძვირფას მეუღლეს, ოჯახს და სტუდენტებს, ვინც შვილებივით გამოზარდეთ, ვისაც აზროვნება ასწავლეთ, ვისაც მუსიკალური ფრაზების ამოცნობასთან ერთად წიგნის სამყარო გაუხსენით და შეაყვარეთ.
მადლობა ყველაფრისთვის.
