ნიკა გვარამიამ, სოციალურ ქსელში, “მთავარის” იუმორისტული შოუს მონაწილე გოგონებზე – თამარ ლეკვეიშვილზე, თათია სულუაშვილსა და თეაკო ფიფიაზე ახალი გადაცემის მომზადების შესახებ შემდეგნაირად დააანონსა.
“სამი საოცარი გოგო გვყავს, მართლაც. წარმოუდგენლად მაგარი! ხოდა, რო ვხევთ ამ ყველაზე მაგარი გოგოებით გადაცემას ახალ სეზონზე, მერე გვიყურეთ” – წერს გვარამია “ფეისბუქზე”.
გოგონებმა ჯერ არ იციან, რა ტიპის შოუს ანდობს არხის გენერალური დირექტორი მათ. შვებულებაში არიან და მათაც ამ პოსტიდან შეიტყვეს ნიკას გადაწყვეტილების შესახებ.
თათია სულუაშვილი: – სრულ პასუხს ვერ გაგცემთ, მეც იგივე ინფორმაცია მაქვს, რაც თქვენ. შვებულებაში ვართ და ჩვენც “ფეისბუქით” გავიგეთ ეს სიახლე.
– ნიკას პოსტიდან?
– დიახ. სანამ შვებულებიდან სამსახურში არ დავბრუნდებით, სხვას ვერაფერს გეტყვით.
ნიკამ, ალბათ, ჩვენში დაინახა ისეთი რამ, რომ გაუჩნდა ჩვენი შოუს გაკეთების იდეა. მივესალმები ამ იდეას. ჩვენ ხომ მაგარი გოგოები ვართ?! ყველაფერს შევძლებთ.
