გუშინ “ტვ პირველმა” ბერა ივანიშილის, ანზორ ჩუბინიძის და ირაკლი ღარიბაშვილის სავარაუდო ფარული ჩანაწერი გამოაქვეყნა, რომლის ავთენტურობაც ჯერჯერობით დადგენილი არ არის.
ჩანაწერის გაშვებას დიდი სკანდალი მოჰყვა, სოციალურ ქსელში და მედიაში გაჩნდა ინფორმაცია იმის თაობაზე, რომ ერთ-ერთი პირი, რომელიც ბერა ივანიშვილის და მისი გარემოცვის ზეწოლის მსხვერპლი რეპერი ზაზა ნოზაძე იყო.
ზაზა ნოზაძემ რამდენიმე წლის წინ, ბერა ივანიშვილი ჯერ გააკრიტიკა, ხოლო შემდეგ სახალხოდ ბოდიში მოუხადა.
რამდენიმე საათის წინ, ზაზა ნოზაძემ მის გარშემო გავრცელებული ჭორი უარყო და პოსტი გამოაქვეყნა.
“მეგობრებო, როგორც იხილავდით კონკრეტული ადამიანები თუ ძალები ცდილობენ ჩემი „ბოდიში“ მიაწერონ ბოლო დროს გავრცელებულ აუდიო ჩანაწერებს, რაც არის სრული ს ი ყ ა ლ ბ ე 
საბედნიეროდ, პირადად არ გავმხდარვარ მსხვერპლი მსგავსი ავადმყოფური გამოვლინების, თუმცა ნებისმიერი მსხვერპლის მდგომარეობას ვიზიარებ მთელი გულით და ყველანაირად პროტესტს ვუცხადებ, იმ ჩანაწერებს, რაც მოვისმინეთ, 100000%-ით!
თუ ეს ეგ არის სინამდვილე – ეგ არის სრულიად ამაზრზენი და დასაგმობი ფაქტები და მჯერა შესაბამისად დაიგმობა კიდეც!
ვიდექი და ვიდგები, ყოველთვის იმ მხარეს სადაც ხალხია რომელიც, არავის პატიობს ძალაუფლების ბოროტად გამოყენებას.
თუმცა, ეს არავის აძლევს უფლებას ჩემი ცხოვრების პირადი ცხოვრებაში იქექიალოს და საზოგადოებას ისე მიაწოდოს ჩემზე ცნობა, როგორც მას აწყობს, რომ ამით კიდევ უფრო გაამყაროს მტკიცებულება.
არანაირი არაფერი ისეთი ყოფილა რასაც შეიძლება ამ ჩანაწერთან კავშირი ქონდეს და მერე უკვე თქვენს გამოგონილ ზღაპრებთან.
თქვენი დამონტაჟებული სიყალბე, სადაც აზრს არ მამთავრებინებთ, აკოწიწებთ და აწვდით საზოგადოებას როგორც გსურთს, სადამდე მიგიყვანთ ვერ ვხვდები!
მე აქ ვარ და გეუბნებით რომ თქვენს მიერ გავრცელებული ყალბი ინფორმაციები არ მემსახურება არც მე არც საზოგადოებას!
სიბინძურეს ნუ ებრძვით სიბინძურით!”
