რესტორატორებს, ისევე როგორც ბევრი სფეროს წარმომადგენელს, პანდემიურ პერიოდში ძალზედ გაუჭირდათ. კაფე-რესტორნებს კომენდანტის საათის გამო სრულყოფილად ვერ ამუშავებენ. ამას გარდა, უსამსახუროდ დარჩენილ მოსახლეობას, რესტორანში ვახშმობის სახსრები აღარ გააჩნია.
“შავი ლომის” შეფმზარეული, მერიკო გუბელაძე სოციალურ ქსელში წერს:
“ამ ქვეყანაში ცხოვრების სურვილი როგორ უნდა შეინაჩუნო, ჩემთვის აბსოლუტურად გაუგებარია.”
მერიკოს ეხმიანება მისი კოლეგა, შეფმზარეული გურამ ბაღდოშვილი, რომელიც ამჯერად კახეთში, კერძოდ, სოფელ არგოხშია და მეურნეობით არის დაკავებული.
გურამ ბაღდოშვილი: – უნდა წახვიდე არგოხში, ააშენო სახლი, ეზო კარი. მოიყვანო ბიო კულტურები, მოაშენო ფრინველი, საქონელი. ერთადერთი გზა ესაა. სხვა გამოსავალი რომ არ არის, რამე უნდა იღონო.
მერიკო: – ეგ მიწაში თავის ჩარგვაა, პირდაპირ და გადატანით.
გურამ: – სხვა გზა არ არის.
