ცნობილი ქართველი ტელესახე ნუკი კოშკელიშვილი, რამდენიმე დღის წინ კორონავირუსით დაინფიცირდა. კოვიდდადებითია ნუკის მეუღლე და მცირეწლოვანი ვაჟი ოლივერი.
კოშკელიშვილმა ინსტაგრამზე მისი ჯანმრთელობის მდგომარეობის შესახებ ვიდეო გამოაქვეყნა, საიდანაც გაირკვა, რომ იმის მიუხედავად, რომ მას კორონავირუსი მსუბუქად გადააქვს საავადმყოფოში მისვლა გახდა აუცილებელი.
“მოკლედ, დაგვირეკეს საავადმყოფოდან და მითხრეს, რომ შეიძლება თრომბი მაქვს და მომიყვანეს, რომ გამსინჯონ. აბსოლუტურად დარწმუნებული ვიყავი, რომ მე ძალიან მარტივად გადამქონდა ეს საზიზღარი დაავადება, მივედი გასასინჯად და გამომიცხადეს, რომ რაღაცები მაქვს აწეული, რაღაც მონაცემები და მოკლედ ვარ ახლა საავადმყოფოში.
ძაან ცუდი რაღაც ყოფილა ეს კოვიდი, არადა დარწმუნებული ვიყავი, რომ ძაან კარგად და უსიმპტომოდ მივდივარ და უბრალოდ, ყნოსვა და გემო დავკარგე“, – ამბობს ნუკი.
შესაბამისი ანალიზების ჩატარებისა და მკურნალობის მიღების შემდეგ, უკვე სახლში დაბრუნებულმა კოშკელიშვილმა განახლებული ინფორმაციაც გააცნო გულშემატკივრებს.
“აღმომაჩნდა მაღალი D-დიმერი, ეს ხშირად ნიშნავს თრომბს და ძალიან სასწრაფო რეჟიმში, ერთი 50-მა ექიმმა დამირეკა – ვნახეთ თქვენი ანალიზები და სასწრაფოდ უნდა მიხვიდეთ კლინიკაშიო. ახლა კარგად ვარ, გადასარევად ვარ, აუცილებლად გაუფრთხილდით ერთმანეთს, აუცილებლად გაუფრთხილდით თქვენ თავს“, – ამბობს ნუკი.
კოშკელიშვილი პანდემიის დაწყების დროს შვილთან ერთად საქართველოში ჩამოვიდა, სადაც თითქმის ერთი წელი გაატარა მეუღლის გარეშე.
ტელესახის მეუღლე ამერიკაში კოვიდთან ბრძოლის წინა ხაზზე იდგა და სწორედ ვირუსით დაინფიცირებულ პაციენტებს მკურნალობდა.
