ცნობილმა ვარსკვლავმა კრისტი ტეიგენმა აბორტი გაიკეთა, ამის შესახებ მან სოციალურ ქსელში დაწერა.
“ისეთ ტკივილს განვიცდი, რომელსაც ვერ გადმოვცემ, ბევრი სისხლი დავკარგე. ყოველთვის გვეყვარები” – წერს ვარსკვლავი.
კრის ტეიგენი კლინიკაში რამდენიმე დღის წინ ძლიერი სისხლდენით მიიყვანეს. მას წოლითი რეჟიმი დაუნიშნეს, თუმცა ამბობდა, რომ თავს შესანიშნავად გრძნობდა.
კრის ტეიგენს და მის მეუღლეს პატარასთვის სახელიც კი ჰქონდათ შერჩეული, სურდათ მისთვის ჯეკი დაერქმიათ.
“ჩემს მუცელში მყოფ არსებას ჯეკს ვეძახდით. ჯეკი მთელი ძალით ეცადა, რომ ჩვენი ოჯახის წევრი ყოფილიყო და ის სამუდამოდ იქნება კიდეც. ძვირფასო ჯეკ, მაპატიე, რომ შენი სიცოცხლის პირველი მომენტები ასეთი რთული იყო, გვაპატიე, რომ ვერ მოგეცით სახლი, რომელიც გადასარჩენად გჭირდებოდა. ყოველთვის გვეყვარები”.
წინა ორი შვილი წყვილმა ხელოვნური (ინ ვიტრო) განაყოფიერებით გააჩინა. მესამე შვილის შემთხვევაში, ყველაფერი ბუნებრივად მოხდა. ტეიგენის სიტყვებით, ეს მისთვის წარმოუდგენელი იყო, რადგან სუსტი პლაცენტა ჰქონდა.
“საავადმყოფოდან სახლში ბავშვის გარეშე მივდივარ, როგორ შეიძლება ეს რეალურად ხდებოდეს”, — დაწერა მან მოგვიანებით.
