კორონავირუსის პანდემიამ ყველაზე დიდი დარტყმა ხელოვნების სფეროს მიაყენა.
უკვე ერთი წელია არ მუშაობს თეატრი, არ ტარდება კონცერტები და მომღერლები შემოსავლის გარეშე დარჩნენ.
მათ შორის არის მომღერალი თემურ თათარაშვილი. რომლის შემოსავლის ერთადერთი წყარო სიმღერაა, თუმცა დიდი ხანია კონცერტი აღარ ჰქონია და რამდენიმე თვის წინ, ბანკში ისტორიაც კი გაუფუჭდა.
გაცხარებულმა თემურ თათარაშვილმა სოციალურ ქსელშკ პოსტი დაწერა.
მომღერალი წერს, რომ მთავრობის მიერ თვითდასაქმებულებისთვის დაწესებული 300-ლარიანი დახმარების მისაღებად განაცხადი შეავსო, თუმცა, არავინ შეხმიანებია.
“მაინტერესებს, რა ჯიშს და რა უბედურებას მივეკუთვნები, უსაქმური ვარ? არ ვარ ამ ქვეყნის მოქალაქე, თუ რამე სხვა ბიზნესი ამომიქექეს ისეთი, რომელიც მე არ ვიცი, თუ მქონია? იქნებ, ვინმემ მითხრას, რა ხდება? ისიც მინდა, გავიგო და მითხრან, “თემო, კიდიხარ მთავრობას და ნუ გაუ**აკეო”. მოკლედ, ველი პასუხს”. – წერს თემურ თათარაშვილი.
