უკვე რამდენიმე დღეა პოლიცია “საქართველოს ბანკის” ყაჩაღობაში ეჭვმიტანილს ბადრი ესებუას ეძებს, თუმცა მისი ადგილსამყოფელი ჯერ კიდევ უცნობია.

ესებუა ზუგდიდში ბანკის ფილიალში 21 ოქტომბერს შეიჭრა, სადაც 43 მძევალი აიყვანა. ის თავიდანვე 500 000 დოლარს მოითხოვდა და ბანკის შენობაში გახსნილი ლიმონკით იჯდა.

მას გვიან ღამით მიუტანეს თანხა და სამ მძევალთან ერთად ჯერ ბანკი დატოვა, შემდეგ კი მძევლები ტყეში გაათავისუფლა და გაურკვეველი მიმართულებით გაემგზავრება.

ყველა თანხმდება რომ დამნაშავე დაკავებული უნდა იყოს, თუმცა საზოგადოებას სისხლის სამართლის ეს საქმე გართობის ინსპირაციას აძლევს, რასაც სოციალურ ქსელში არაერთი პოსტი მოწმობს.

როგორც ჩანს, ბანკის ყაჩაღობამ მხიარული განწყობა შეუქმნა მსახიობს და ტელეწამყვანს შორენა ბეგაშვილს. მან გუშინ ინსტაგრამის პირად გვერდზე ვიდეო დადო, მსახიობი ქუჩაში დგას და თითქოს მას შავი ჩანთით 500 000 დოლარს მიუტანენ.

“მომიტანეს 500 000, წავედი, არ მეძებოთ” – წერს ვიდეოს აღწერაში ბეგაშვილი.

ვიდეოს დიდი გამოხმაურება მოჰყვა: უგულავა წაიყოლე თუ დაიღლები ჩანთის ტარებით “ჩაგენაცვლება” – დაუწერა მას ერთ-ერთმა გამომწერმა.