ახალი შაბათის შოუს მსახიობს თათია სულუაშვილს მთელი საქართველო იცნობს, თუმცა ცოტა ხნის წინ ლელა წურწუმიას გადაცემაში, მანდ მისი ცხოვრების ყველაზე მძიმე მომენტზე ისაუბრა.
როგორც გაირკვა თათიას ვაჟი, უსაყვარლესი დათა აუტისტური სპექტრის მქონე გახლდათ.
“იყო დრო როცა ძალიან დიდი სანერვიულო გადავიტანე და ეს ეხებოდა ჩემს შვილს.
დათა ახლა არის 6 წლის, როდესაც იყო წლის და ხუთი თვის დაეწყო უძილობა. თავის ტკივილი, დილის 5 საათამდე ქუჩაში გვეძინა ერთად, პლედი გვქონდა მოხვეული.
მყავდა ნერვოპათოლოგთან, მაგრამ მითხრა, ხდება ასე, ხასიათის ბავშვიაო.
წლინახევრის ასაკში დაეწყო რეგრესი, მანამდე დედას მეძახდა, მცნობდა, ემოციები ჰქონდა, მაგრამ დაავიწყდა ყველაფერი.
არ მოსწონდა ფუნქციური სათამაშოები, პირველად ეს შეამჩნია დედამ. მითხრა: თათია რაღაც პრობლემა აქვს ამ ბავშვსო.
დედას თხოვნით და მეც უკვე ეჭვებდი რომ ვიყავი, მივიყვანე ფსიქიატრთან. ჩაუტარა ტესტი და როცა მივედი პასუხზე, შემომიტრიალა ექიმმა კომპიუტერი და ეწერა აუტისტური სპექტრი.
იმ წუთას გავიყინე, ცრემლები წამომივიდა და არ ვიცოდი რა გამეკეთებინა.
მეორე დღიდან დავიწყე აქტიურობა, მე დათასთვის უნდა მეშველა.
ძალიან რთული გზა გავიარე. თერაპევტმა და ფსიქიატრმა რაც არ უნდა გააკეთოს, დედა თუ არ არის ჩართული, ისე შედეგი არ იქნება. დილით თერაპიაზე მიმყავდა დათა, დამყავდა სამსახურში, დაბადების დღეებზე, მაქსიმალურ თავისუფლებას ვაძლევდი.
დათას გამო დავიწყე დაბადების დღის ცენტრში მუშაობა, საღამოობით დათასთან და ქეთოსთან ერთად მიმყავდა დაბადებუს დღეები, რაღა ბავშვი გახსნილიყო” – თქვა მსახიობმა.
თათია სულიაშვილმა გადაცემაში ისიც თქვა, რომ დათამ აუტიზმი დაამარცხა.
“ახლა ძალიან კარგად არის. ჩვენ ვიბრძოლეთ და მოვიგეთ.
