თბილისობასთან დაკავშირებით “ტვ პირველის” შუადღის გადაცემა, “შუადღე ლაივი” წამყვანებს “სამოსელი პირველის” ქართულ ნაციონალურ სამოსში გაოწყობილებს მიჰყავდათ. როგორც მისი ერთ-ერთი წამყვანი, რატი დურგლიშვილი “პრაიმამბებთან” საუბრისას ამხელს, ჩოხა-ახალუხის ტარებისას, საოცარი შეგრძნება ეუფლება.
რატი დურგლიშვილი: – ჩვენი კულტურული ღირსება – ეროვნული სამოსი იქნება, ცეკვა თუ ფოლკლორი, ჩემთვის უმაღლეს მწვერვალზეა აყვანილი. როდესაც ამ გენიალურ სამოსს ვიცვამ, მისი ენერგეტიკა გადმოდის. თითქოს მეუფლება ჩვენი წინაპრების თვისებები, მანერები. ეს სამოსი მამაკაცებში ხაზს უსვამს ვაჟკაცობას, ქალბატონებში – ელეგანტურობას.
არ შეიძლება არ მოგიხდეს. ნებისმიერი აღნაგობის ქართველს უხდება.რა კოსტიუმი არ მცმია, მაგრამ მსგავსი შეგრძენებები არც ერთ სხვა სამოსზე არ მაქვს. ირინა ონაშვილი ჩვეულებრივი დედოფალი იყო, ძალიან ლამაზი.
როგორც ვიცი, ბევრ ჩვენს თანამოქალაქეს არ მოსწონს ეროვნულ სამოსში თანამედროვე შტრიხების შეტანა, მაგრამ იმდენად უმაღლეს ხარისხშია შეკერილი ეს კოსტიუმები, რატომაც – არა? როდესაც ეს თანამედროვეობა ეროვნულობას არ უკარგავს, რატომ არ უნდა შევიდეს მასში თანამედროვე შტრიხები?
