მაკა ზამბახიძის ერთადერთი ქალიშვილი, სალომე ჩიტაძე გათხოვდა და ბედი ირაკლი ცაბაძეს დაუკავშირა. ჟურნალმა „თბილისელებმა“ დღევანდელ ნომერში სალომესთან ინტერვიუ შემოგვთავაზა, სადაც მომღერალი და ჯგუფ „ნონ სტოპის“ წევრი სიყვარულისა და ბავშვის მოლოდინის შესახებ დასმულ კითხვებს პასუხობს.
„ბავშვს ველოდებით და ყოველი დილა ჩემთვის სხვანაირად იწყება, ანუ ტოქსიკოზით… ჯერ არ ვიცით, გოგოა თუ ბიჭი, პატარაა, თუმცა მის სქესს რომ გავიგებ, მაინც არ გავამჟღავნებ.
სიურპრიზად დავტოვებ. მხოლოდ მე და მამიკოს გვეცოდინება. როცა გავიგე, ,დედა ვხდებოდი, დედაჩემი ორმაგად შემიყვარდა. ექოზე პირველი მაკა შემორბის, ყოველი დილა მისი ზარით იწყება…
მაკას და მის ქმარს რომ ვუყურებდი, სულ ვამბობდი, ასეთი სიყვარული მინდა ვიპოვო, როგორიც დედას და მის მეუღლეს აქვთ-მეთქი და ამიხდა (იცინის).
მაკა როგორი სიდედრია?
როგორი მეგობარიცაა, ისეთი სიდედრია. ზოგადად, მაკა ძალიან ეგოისტი ადამიანია და მიკვირს, ჩემს ქმართან ასეთი მეგობრული დამოკიდებულება მალევე რომ დაამყარა და შეეგუა. მე და ირაკლი მარტო ცხოვრობთ, თუმცა ჩემებთან ახლოს…“
სალომე ჩიტაძე მაკა ზამბახიძის ერთადერთი ქალიშვილია. რომელიც მომღერალს პირველი ქორწინებიდან ჰყავს. სალომე საზოგადოებამ პირველად მუსიკალური შოუდან გაიცნო. პროექტის დატოვების შემდეგ, მისი პროდუსერი კახა მამულაშვილი გახდა და სალომე ჩიტაძეს დღეს წარმატებული კარიერა აქვს.
წელს ის ტექნიკური უნივერსიტეტის სტუდენტიც გახდა. სალომეს მამაც მომღერალია. ის რუსეთში ცხოვრობს. ნოდარ ჩიტაძეს ქართველი ემიგრანტები კარგად იცნობენ.
თუ სალომეს ინსტაგრამით ვიმსჯელებთ, ის ცოტა ხნის წინ დაინიშნა, რასაც მის მიერ ინსტაგრამზე გამოქვეყნებული პოსტიც მოწმობს.
