ვატო კახიძის ქალიშვილის, მსახიობის, ნატუკა კახიძის ვაჟი, გიორგი თოფურიძე 20 წლის გახდა. გიორგი ნატუკას პირველი ქორწინებიდან ჰყავს. მსახიობის მეორე ქმარი რეჟისორი დათა თავაძეა, ნატა მურვანიძისა და ნიკა თავაძის ვაჟი.
აი, როგორ ულოცავს ნატუკა თავის ერთადერთ ვაჟს დაბადების დღეს.
ნატუკა კახიძე: – სულ ძალით და ბევრი ღრიტინის შედეგად ჩავტენე ამ ფოტოში.
20 წლის წინადაც ძალით და ომით დამთანხმდა, რომ დაბადებულიყო. კონფლიქტში შემიყვანა სამშობიაროს, უკლებლივ ყველა ექიმთან.
მშობიარობის სპეცტექნიკა შევთავაზე მედიცინას იმიტომ, რომ “ისე”არ აწყობდა, როგორც ყველას. ეს, ყველაფერი იმიტომ, რომ მას თავისი გეგმა ჰქონდა.
აი, ასე, თავისი გეგმით და სტრატეგიით ცხოვრობს 20 წელია. ყველაფერს თვითონ ირჩევს, ბევრს შრომობს და გასაოგნებელ შედეგებს აღწევს. როგორ მიყვარს, ამაზე არ ვილაპარაკებ, უბრალოდ ვუსურვებ ძალიან საინტერესო ცხოვრებას, ულევ ბედნიერებას, დიდ სიყვარულს, ჯანმრთელობას, იღბალს და დანარჩენს თვითონ დაალაგებს ისე, როგორც ყოველთვის აკეთებდა.
ეს ყველაფერი შეგისრულდება იმიტომ, რომ იმსახურებ.
