თამუნა მუსერიძე „ტვ პირველს“, გადაცემას „პირველი ხაზი“ სტუმრობდა და ისაუბრა იმის შესახებ, რატომ არის აუცილებელი წინასაახალწლოდ 10 დღის განმავლობაში რეგულაციების შერბილება.
თამუნა მუსერიძე:
„რა ქნას ხალხმა?!. ამ 10 დღის განმავლობაში ადამიანებს შეუძლიათ, რომ გარკვეული შემოსავალი მიიღონ… სახელმწიფოს უნდა ეშუამდგომლა ბანკებთან და გადაევადებინათ სესხები, სანამ ადამიანები არ დაიწყებდნენ მუშაობას. რეალურად 200-ლარიანი დახმარება, რომელიც დასაქმებული ადამიანებისთვის იყო განკუთვნილი, მიიღო 500 000-მდე ადამიანმა… 25 ლარს უხდიან ახალშობილებს. გუშინ აფთიაქში მივედი, უნდა მეყიდა ბავშვისთვის საჭმელი და კატასტროფულად გაიზარდა ფასი. დაარეგულირონ ფასები!.. ზეთის ფასმა მოიმატა ორი ლარით, ბავშვის საჭმელმა 4 ლარით, ხომ შეიძლება, ამას მიხედოს ვინმემ?!.“
წამყვანის რეპლიკაზე, რომ ვირუსით უამრავი ადამიანი გარდაიცვალა, თამუნა მუსერიძემ ასე უპასუხა:
„რამდენი ადამიანია გარდაცვლილი შიმშილით, ამას ითვლის ვინმე? რამდენი გაიყინა? ბავშვი წერს, რომ საახალწლოდ რეიტუზი უნდა. ეს რომ წავიკითხე, მეგონა, გული გამისკდებოდა… დედა ვერ მუშაობს და ბავშვი რეიტუზს ნატრულობს. ხალხი წერს, რომ პური არა აქვთ. შეიხედეთ ჯგუფში „ზამთრის მარაგი“, წაიკითხეთ, შეიძლება, მართლა გაგისკდეთ გული“.
