“სასიამოვნო შეხვედრა წლების შემდეგ. ერთად ვიფრინეთ.
მერე რა, რომ წლები გადის. სიყვარული რჩება” – წერს “ფეისბუქზე” ოპერის მომღერალი, ნინო სურგულაძე და ქეთი მელუასთან ერთად გადაღებულ ფოტოს აქვეყნებს.
აღსანიშნავია, რომ ტყუპების გაჩენის შემდეგ, ნინო ძალიან კარგად გამოიყურება. გამოთქმა, “ასაკში” გაჩენა, ქალს აახალგაზრდავებსო, როგორც ჩანს, სიმართლეა.
მეცო-სოპრანომ 42 წლის ასაკში გააჩინა ქალ-ვაჟი, ნატალია და ზაქარია. მომღერლის ქმარი გიორგი ინწკირველი გახლავთ.
რაც შეეხება ბრიტანეთში მოღვაწე ქართველ ავტორ-შემსრულებელს, ქეთი მელუას, ის უკვე წლებია ავტომრბოლელისა და მუსიკოსის, ჯეიმს ტოსლენდის მეუღლეა. ჯეიმსმა, 2010 წელს, გაზეთ “პრაიმტაიმს” ექსკლუზიური ინტერვიუ მისცა და საყვარელი ქალის სამშობლოზეც ისაუბრა.
“ვიცი, რომ ზღაპრული ბუნება და მთები გაქვთ. ასევე უგემრიელესი ხაჭაპური და ძველი, ტრადიციული ღვინო. იმედია, ჩამოვალ და ჩემი თვალით ვნახავ იმას, რაზეც ქეთი ბევრს მიყვება.”
წლები გავიდა, თუმცა ჯეიმსი საქართველოში არ ჩამოსულა. წყვილის გაყრაზე, პერიოდულად, ყვითელი პრესა, აქტიურად წერს. ქეთი ამ ფაქტს უარყოფს. წყვილს შვილი არ ჰყავს.
