ნატალია ქუთათელაძე პირად ცხოვრებაზე არ საუბრობს და მისი ფეხმძიმობის შესახებ ეკა მამალაძემ გაანდო საზოგადოებას. მომღერალმა შვილის პირადულ და კარიერულ კითხვებს რადიო “ფორტუნას” ეთერში, „არტ Fm“ თათა სადრაძესთან სტუმრობისას უპასუხა.

მისი თქმით, ბებია სექტემბერში გახდება.

“ძალიან ბედნიერები ვართ, ნატალიკო სექტემბერში ბავშვს ელოდება. ნატალია პანდემიის დროს ძალიან სერიოზულ კონკურსში მონაწილეობდა და სამივე ტურში გაიმარჯვა. ივნისის თვეში მისი ფინალური ტური იმართება და ნატალია მაინც ფიქრობს, წავიდეს თუ არა”, – აღნიშნავს ეკა მამალაძე.

ცნობისთვის, ნატალია რამდენიმე წელია დაოჯახებულია. მისი მეუღლე აჩიკო ჯაფარიძე აქტიურად ჩანს მომღერლის “ინსტაგრამზე”. მათ საიდუმლოდ იქორწინეს და ერთად გერმანიაში ცხოვრობდნენ, თუმცა, წყვილი ახლა საქართველოში იმყოფება.

ნატალიკოს წარმატებული მუსიკალური კარიერა აქვს. არც ისე მცირე დროის წინ ნატალია ფიქრობდა, რომ კარიერა მის ცხოვრებაში პირველ ადგილზე იქნებოდა, მაგრამ შეხვდა აჩიკო ჯაფარიძეს… დღეს მისი მეუღლეა, ფიცხი ხასიათი შეურბილდა და სხვა ადამიანად იქცა.
ბევრ გარდამტეხ მომენტთან ერთად ესეც აღმოჩნდა გადამწყვეტი და ახლებურად შეაფასა ის, რაშიც ადრე სრულიად დარწმუნებული იყო.

ჩემს ოჯახში ყველა ქალი მარტოა… დღის ბოლოს, ასე ვთქვათ, ყველა მარტო დარჩა. მე კი მივხვდი, რომ ჩემთვის მარტოობა ყველაზე დიდი დარდი და განცდაა. ეს არ მსიამოვნებს.

მარტო ცხოვრებისთვის შექმნილი ადამიანი არ ვარ. ჩემს პროფესიას სჭირდება მარტოობა, ან ძალიან უნდა გაგიმართლოს, რომ შეგხვდეს ადამიანი, რომელიც ხელს შეგიწყობს. ჯერ მე ისეთი კარიერა არ მაქვს, რომ არჩევანის თვალსაზრისით კითხვის ნიშანი დაისვას, თუმცა ამ ეტაპზე ძალიან დიდი ხელშეწყობა მაქვს და ჩემი მეუღლე ცდილობს, ბევრი რამ გამიმარტივოს. პატივისცემა და აბსოლუტური გაგებაა, რა პროფესიას ვემსახურები, თუმცა მეც დიდ დათმობებზე მივდივარ. ყოველდღიურ ყოფით ცხოვრებას ვგულისხმობ, დეტალებია და ვერ ვიტყვი, მაგრამ აიწონა-დაიწონაა.

სიყვარულის გარდა ეს ყველაფერი პატივისცემაზეა დაფუძნებული. მე რომ რაღაცას დავთმობ, მეორე მხრიდან ორმაგად მითმობენ, მე კიდევ უფრო მეტის დათმობის სურვილი მიჩნდება. ეს პინგ-პონგი ძალიან სასიამოვნოა.
როგორი ვარ შეყვარებული? გაგიჟებული, არანორმალური!..აღმოჩნდა, რომ სიყვარულისთვის ყველაფერს დავთმობ. ამ გრძნობამ დამიმორჩილა. ბევრად უკეთ ვმღერი, მაგრამ ბევრად ემოციურად…-განაცხადა ნატალიკომ რამდენიმე თვის წინ ჟურნალ “ნარგიზისთვის” მიცემულ ინტერვიუში.