ნუკი კოშკელიშვილზე შეიძლება თამამად ითქვას, რომ ის ყველაზე გულახდილი და უბრალო რესპონდენტია ჟურნალისტებისთვის. ყოველგვარი თავგადაფასების გარეშე საუბრობს ყოფით, პირად და საქმიან საკითხებზე.

ტელეწამყვანმა ჟურნალ „თბილისელებთან“ საინტერესო ფაქტები გაიხსენა და ერთი ასეთი ამბავიც მოყვა. აი რა ინციდენტი შეემთხვა მას პატრულთან.

– ბავშვობაში, 8-9 წლის ასაკში, „სნიკერსებს“ ვიპარავდი (იცინის). ერთი გამყიდველი ქალი იყო და ბავშვები რომ შევიდოდით მაღაზიაში, სულ გვეჩხუბებოდა. ჩვენ კი ჯიბრზე „სნიკერსებს“ ვიპარავდით (იცინის). 2011 წელს კი პატრულის თანამშრომლის შეურაცხყოფისთვის 400 ლარი გადამახდევინეს. 2 წუთით გავაჩერეთ მანქანა მე და მაშინდელმა ჩემმა შეყვარებულმა. პატრულმა რომ შენიშვნა მოგვცა, მე ვიქაჯე, ჩამსვეს საპატრულოს მანქანაში და ჯარიმაც „ამარტყეს“ (იცინის). ბოდიში კი მოვუხადე, მაგრამ კამერებმა დამაფიქსირა და ჩემმა ბოდიშმა ვერ მიშველა. სხვათა შორის, დღესაც ვმეგობრობ იმ პოლიციელებთან და ხშირად დამხმარებიან,- იხსენებს ნუკი.