ორი დღის წინ “პატარების დიდი შოუს” სტუმარი ნინო დარასელის ქალიშვილი, მარიტა ბერიძე იყო. მარიტამ შეასრულა სიმღერა Moon River, რომელსაც ლეგენდარული ოდრი ჰეფბერნი ასრულებს და თქვა, რომ ოდრი რუსო ბებიამ გააცნო.
“პრაიმამბები” ნინოსგან იგებს, რომ მარიტამ სიმღერა ნატო მეტონიძის სტუდიაში ისწავლა, სადაც წლებია დადის, თუმცა პანდემიის გამო, უკვე ერთი წელია თავის საყვარელ
პედაგოგებთან აღარ მისულა.
ნინო დარასელი: – რუსო მარიტას ყველაზე ახლო მეგობარია და არა მარტო ეს სიმღერა, მისი გემოვნების ჩამოყალიბებაზეც, სწორედ ის ზრუნავდა.
მიხარია, რომ ტელევიზიით მაინც ნახა შვილიშვილი, რომელიც 4 წელია არ უნახავს. არადა, მანამდე სულ ის ზრდიდა. დატოვა პატარა და ახლა უკვე დიდი გოგო იხილა ეკრანიდან. რა თქმა უნდა, მისთვის ეს საოცარი ემოცია იყო.
