ავსტრალიელმა სოციოლოგებმა ჩაატარეს კვლევა, რომლის შედეგადაც დაადგინეს, რომ 50 წლის შემდეგ ქალბატონებს ახალი, უფრო ბედნიერი ცხოვრება ელოდებათ.
მშვენიერი სქესის წარმომადგენელთათვის, ეს ის ასაკია, როცა ყოველგვარი კომპლექსისგან თავისუფლდებიან და სრულფასოვანი ცხოვრებით ტკბობას იწყებებ.
თანამედროვე ეპოქის, 50 წელს გადაცილებული ქალების უმეტესობა, თავს, საკუთარი ასაკის სტერეოტიპულ წარმომადგენლებად არ გრძნობენ. სასიხარულოა, რომ დღევანდელი ქალები აღნიშნულ სტერეოტიპებს, სწრაფი ტემპით ამსხვრევენ.
სასიამოვნო გარეგნობის ქალბატონი, ვიზაჟისტ მიშა გასიტაშვილის სილამაზის სალონის საზოგადოებასთან ურთიერთობის სამსახურის მენეჯერი მაია სვანიძე, „პრაიმტაიმთან“ ინტერვიუში აცხადებს, რომ ყველაზე მეტად, რაც ადამიანს დააბერებს, სიყვარულის დაკარგვაა:
55 წლის ვარ, ნახევარ საუკუნეზე მეტი გავიარე. ასაკს არ ვმალავ, მირჩევნია ჩემ ასაკთან შედარებით, კარგად გამოვიყურებოდე. ადამიანი, რომელიც წლოვანებას მალავს, საკუთარ თავს ატყუებს. საინტერესო და გამორჩეული ცხოვრება მქონდა. ძალიან პატარა ასაკში გავთხოვდი, რაოდენ გასაკვირიც უნდა იყოს, მამამთილმა მომიტაცა.
– მამამთილმა რატომ?
პირველად, ჩემმა ქმარმა მომიტაცა, არ გავყევი და უკან მოვბრუნდი. ამის შემდეგ, ეს საკითხი მამამთილმა ითავა და ჩემ ქმარს „ჩააბარა“ ჩემი თავი. ძალიან ვუყვარდი და უნდოდა ჩემი რძლობა. სალაპარაკოდ ჩამსვა მანქანაში და წყნეთში „გამაქანა“.
მართალია, რამდენიმე წელიწადში დავშორდით ერთმანეთს, მაგრამ საერთო შვილი გვაყვს – ნუკრი პაიჭაძე. თავად, ცოტა ხნის წინ გარდაიცვალა.
– გამორჩეული გარეგნობა გაქვთ…
ასე გამოდის. ახალგაზრდობაში, რატომღაც ია ნინიძეს მამსგავსებდნენ. რუსეთში, სოფია როტარუს და ამიტომ გავქერავდი. უამრავი თაყვანისმცემელი მყავდა, განსაკუთრებით რუსეთში. ამ ეტაპზე, ისე კარგად გამოიყურება როტარუ, ნეტა მეც ეგრე ვიყო.
– გარეგნობის გარდა, რა თვისებებით გამოირჩეოდით?
ყველას ჩემი დადებითი ხასიათი მოსწონდა. ყოველთვის ვცდილობდი, ადამიანებისთვის, დისკომფორტი არ შემექმნა. არადა, ძალიან ემოციური ვარ, ყველას პრობლემა გულთან მიმაქვს.
– გამოიყენეთ თქვენი გარეგნობა? გაგრძელება
