წინასაარჩევნო პერიოდი აქტიურ ფაზაში გადადის. მსახიობი და გადაცემა “ფარული კონვერტის” წამყვანი ია ფარულავა, ელენე ხოშტარიას მხარდამჭერია. მან საკუთარი პოლიტიკური სიმპატია ელენე ხოშტარიას მიმართ, ინსტაგრამზე დააფიქსირა.
რატომ უჭერს მხარს, ვაკის მაჟორიტარი დეპუტატობის კანდიდატურად ელენე ხოშტარიას, ამის გასარკვევად “პრაიმამბები” უმშვენიერეს მსახიობს დაუკავშირდა.
– ვაკის რაიონში მე აუცილებლად მივცემ ჩემს ხმას ელენე ხოშტარიას. მინდა, რომ ჩემი რაიონის წარმომადგენელი სწორედ ის ის იყოს. დარწმუნებული ვარ, ბევრ პრობლემას მოაგვარებს, რომელიც ვაკელებს გვაქვს, მე მჯერა მისი.
ის არის ძალიან წესიერი და პატიოსანი ადამიანი. პოლიტიკოსი ზუსტად ასეთი უნდა იყოს. ასევე მომწონს, რომ არის ქალი. რაც შეიძლება მეტი ქალი გვჭირდება პოლიტიკაში.
ვიცი, რომ ელენეს გულთან ახლოს მიაქვს თითოეული მოქალაქის პრობლემა და გაჭირვება. ზუსტად ვიცი ყოველთვის გვერდით დაუდგება ამომრჩეველს. მე მაგალითად მაწუხებს ნაგვის ურნების პრობლემა. ამ თემაზე სასაუბროდ ვიყავი მასთან და ჩემი კორპუსის მაცხოვრებლები აქციის გამართვასაც ვგეგმავთ.
რაც შეეხება იმას თუ რომელ პარტიას მივცემ ხმას, გიორგი ვაშაძის “სტრატეგია აღმაშენებელს” მივცემ ხმას.
– თავად არ გქონიათ შემოთავაზება პოლიტიკაში წასვლაზე?
– არასოდეს წავალ პოლიტიკაში მხოლოდ იმის გამო, რომ ამდენი ენერგისს დახარჯვის ნერვი არ მაქვს.
– ია, ცნობილია რომ ამერიკის მოქალაქე ბრძანდებით, თუმცა ცოტა ხნის წინ ორმაგი მოქალაქეობა მიიღეთ, რატომ მიიღეთ ეს გადაწყვეტილება?
– შარშან გავხდი ორმაგი მოქალაქე, ეს გადაწყვეტილება სპეციალურად იმისთვის მივიღე, რომ არჩევნებში მივიღო მონაწილეობა.
