ცოტამ თუ იცის, რომ ქართველმა მომღერალმა თამთა გოდუაძემ ქალიშვილი ჯერ კიდევ მაშინ გააჩინა, როდესაც არასრულწლოვანი იყო.
გოდუაძე 14 წლის ასაკში დაფეხმძიმდა, შემდეგ უცხო ენათა ინსტიტუტში ჩაირიცხა, რუსულ და ინგლისურ ენებს სწავლობდა.
მარტოხელა დედა იყო და მატერიალური უზრუნველყოფა სჭირდებოდა.
საბერძნეთში იმ პერიოდში იწყებოდა შოუ „სუპერ აიდოლ“, დამწყები ვოკალისტების კონკურსი. პროექტში თამთამ ფინალამდე მიაღწია და მეორე ადგილი დაიკავა. ეს წარმატება ტრამპლინი აღმოჩნდა მისთვის შოუბიზნესის სამყაროში.
გოდუაძის პირველი მეუღლე შმაგი ხაჭვანი გახლდათ, წყვილს ერთი ქალიშვილი – ანი ჰყავს.
ერთ-ერთ ინტერვიუში შმაგი ამბობდა, რომ თამთა 14 წლის იყო, თვითონ კი 16 წლის როდესაც ერთმანეთი გაიცნეს. ექვსთვიანი შეყვარებულობის შემდგომ ისინი გაიპარნენ და ექვსი წელი ცხოვრობდნენ ერთად. თამთა კი მედიასთან საუბრისას აღნიშნავს, რომ ის შმაგიმ მოიტაცა
შმაგი ხაჭვანი
ანი ხაჭვანი ხშირად ჩამოდის საქართველოში და საკუთარ ქვეყანაში ყოფნისას ყოველთვის მამასთან ერთად არის.
ანი ხაჭვანი
საბერძნეთში მოღვაწე ქართველი ხშირად ხვდება ბერძნული პრესის ფურცლებზე. ბულვარული მედია და პაპარაცები ხშირად ინტერესდებიან მომღერლის პირადი ცხოვრებით.
თამთას, მის საყვარელ მამაკაცთან ერთად ხშირად ხედავენ სხვადასხვა ღამის კლუბში. თამთა და კასიდოკოსტა უკვე თითქმის რვა წელია ერთად არიან.
ისინი ვულიაღმენში, ერთ-ერთი ბიზნესმენის მდიდრულ აპარტამენტში ცხოვრობენ.
ბერძენი მილიარდერი, უმდიდრესი ოჯახის მემკვიდრე პარის ლაცისი (მამის გვარი კასიდოკოსტასი).
40 წლის პარისი გახლავთ ლაცისების ძლევამოსილი ოჯახის მემკვიდრე, რომლებიც ნავთობის, უძრავ ქონებასა და საბანკო სექტორში ფლობენ წილებს.
მისი ბაბუა იანის ლაცისი, ბერძენი მულტიმილიარდერი გახლდათ. 2003 წელს, როცა იანის ლაცისი გარდაიცვალა, Forbes-მა მისი ქონება 15 მილიარდი დოლარით შეაფასა. უახლესი რეიტინგით კი, ლაცისები მსოფლიოს ყველაზე მდიდარი ოჯახების სიაში 54-ე ადგილზე არიან.
