ივენთ მენეჯერი, ნატა გულიაშვილი „თბილისელებთან“ გარდაცვლილ მამაზე საუბრობს.

მისი თქმით, მას გარდაცვლილი ახლობლები მინიშნებებს აძლევენ.

„მამა აპარატზე იყო შეერთებული და ზუსტად აღდგომის დღეს გარდაიცვალა. გასვენების წინა დღეს, პანაშვიდზე, მამის გადიდებულ სურათს, რომელიც კედელზე ეკიდა, თვალიდან ცრემლები წამოუვიდა. პირველად ეს მე შევნიშნე და შოკში ჩავვარდი. საოცრება მოხდა, რადგან ისეთ ადგილას იყო, შეუძლებელი იყო მას წყალი შესხმოდა. მამაოსთან მივიტანე ფოტო, მოვუყევი ყველაფერი და მითხრა: ღმერთს ჰყვარებია, აღდგომა დღეს გარდაიცვალა და სამოთხეშია ახლა, ილოცე მისთვისო. ამის შემდეგ ოთხი წელი გავიდა და კვირაში ერთხელ, ხან ათ დღეში ერთხელ, ყოველთვის მესიზმრება და რასაც მეუბნება სიზმარში, არ არსებობს, მეორე ან მესამე დღეს არ ახდეს. სხვათა შორის, რვეული მაქვს, სადაც ყველაფერი მაქვს ჩამოწერილი, რაც მითხრა, დამესიზმრა და ამიხდა. ასეთი სიზმარი ვნახე: მამამ დამიძახა, ფანჯრიდან გამახედა და მითხრა: ნატა, იქ დედაშენია, სასწრაფოდ ჩაირბინე, ჩქარა, უშველე, გაიქეციო. სიზმარში გავვარდი ქუჩაში, ვეძებდი დედაჩემს და ვერ ვიპოვე. როგორც კი გამეღვიძა, დედას ვუთხარი, ასე დამესიზმრა და გეხვეწები, ფრთხილად იყავი, თავს გაუფრთხილდი, რამე არ მოხდეს-მეთქი. ზუსტად ორ დღეში, ქუჩაში მიმავალი დავარდა და ფეხი და ხელი ისე იღრძო, ექვსი თვით თაბაშირში ჩასმა გახდა საჭირო“,- თქვა ნატა გულიშვილი.

– მხოლოდ გარდაცლილი მამის სიზმრად ნათქვამი გიხდება თუ სხვა გარდაცვლილებისაც?

– ბიძა დამესიზმრა, რომელიც ერთი წლის გარდაცვლილია – მასთან ვიყავი სახლში, დივანზე იწვა და მითხრა: ნატა, ჩვენი მეზობელი მარინა რომ არის, იმას დაუძახეო. რატომ-მეთქი, ვკითხე და მიპასუხა: ჩქარა დაუძახეო. გავედი და ვეძახდი. რომ გამომეღვიძა, ბიცოლაჩემს მოვუყევი სიზმარი. იმ კვირაში მეზობელი მარინა მართლა გარდაიცვალა. ყველა მეუბნება, ალბათ, არხი გაქვს გახსნილი, რისი მეშვეობითაც იმქვეყნად ეკონტაქტები გარდაცვლილ ახლობლებსო. სხვათა შორის, ჩემი დეიდაშვილი რომ გარდაიცვალა, წინა დღეს სიზმარში ვნახე მამაჩემი, ბიძაჩემი, დეიდაჩემი ბაბუაჩემი და ბებიაჩემი – ყველა გარდაცვლილია. ბებია ლოგინზე იწვა, ვეუბნებოდი: ბებო, ადექი, შენ ისე ცუდად არ ხარ, ასე იწვე-მეთქი. მიპასუხა: არა, ბებო, ძალიან ცუდად ვარო. მოკლედ, ყველანი ჩავსხედით მანქანაში და რაჭაში წავედით. რომ გამომეღვიძა, ვერ მივხვდი, რას ნიშნავდა ეს სიზმარი და ზუსტად იმ საღამოს, ჩემი დეიდაშვილი ავარიაში გარდაიცვალა რაჭაში. მოკლედ, მიცვალებულები ხშირად მაძლევენ მინიშნებებს. მინდა, დავეხმარო ადამიანს, მაგრამ არ გამომდის, ჯერჯერობით ვერავის გადარჩენა ვერ შევძელი.

ასევე წაიკითხეთ სხვა სიახლეები და სტატიები ⇓

• ქართველმა ქალმა შეიხის სახლში 2 მილიონ 600 ათასი $ და 4 კილო ოქრო მოიპარა – ის ოჯახში დამხმარედ მუშაობდა

• “ამერიკაში აღარ მივდივარ. “ბახუტას” ბევრი წელია ვიცნობ, მაგრამ ახლა სულ სხვა კუთხით ვახლოვდებით” – რა ხდება ნუკი კოშკელიშვილსა და გიორგი ბახუტაშვილს შორის

• როგორ აღმოჩნდა გივი სიხარულიძის ფოტო ცნობილ პორნოსაიტზე – „დედა ვაგინე“

• “ეკუნას პირველი დაბადების დღეა ჩემთან ერთად, მაგრამ მე დღეს სიმღერა არ შემიძლია…” – რატომ ვერ უმღერის ახლადშერთულ ცოლს გია დავითიანი

• ვინ არის ქართველი „კანონიერი ქურდი“, რომელიც კორონავირუსმა იმსხვერპლა

• დაუძველდათ მეთოდი ანტივაქსერებს… ახლა ვადა გადაწიეს 2 წლის მერე – ამერიკაში მოღვაწე ქართველი ექიმი

• ადამიანებს თავისი ცხოვრება არ გააჩნდათ და ჩემი პირადით იყვნენ დაინტერესებული – ცისანა სეფიაშვილი

• სტრესი მაქვს… მინდა, მოვდუნდე და დასვენებით ვისიამოვნო, მაგრამ არ გამომდის – რა სიახლეებია ნინი ბადურაშვილთან

• ჩიკამ და ცოტნემ “ჩემი ცოლის დაქალები” დატოვეს – ნახეთ, რატომ და სად წავიდნენ მსახიობები