“ტიკტოკის” აპლიკაცია დღითიდღე უფრო პოპულარული ხდება და ამ პლატფორმაზე უამრავი ცნობილი ადამიანი რეგისტრირდება.
გუშინ აპლიკაციაში საქართველოს პრეზიდენტის სალომე ზურაბიშვილის ექაუნთიც გამოჩნდა, რომელიც გამომწერებს, მისი დაბადების დღის შესახებ უამბობდა.
“ყველას მადლობა უნდა ვუთხრა ვინც დღეს გამიხსენეთ. საერთოდ დაბადების დღეს, ტრადიციულად ქალიშვილთან ერთად ვიხდი, ის 22 მარტს არის დაბადებული. სამწუხაროდ ქეთევანი ამერიკაშია, თეიმურაზი პარიზში და ვერ მოვახერხეთ ერთად გადაგვეხადა ეს დაბადების დღე” – ამბობს საქართველოს პრეზიდენტი ვიდეოში, რომელიც “ტიკტოკზე” გამოჩნდა.
ვიდეოს დიდი გამოხმაურება მოჰყვა, მოგვიანებით კი, პრეზიდენტის ადმინისტრაციამ ინფორმაცია გაავრცელა, სადაც ნათქვამია რომ ზურაბიშვილს “ტიკტოკი” არ აქვს და არც ჰქონია.
“პრეზიდენტს არ აქვს და არც ჰქონია TikTok-ის ანგარიში. ინფორმაცია პრეზიდენტის TikTok-ზე დარეგისტრირებისა და ამ გვერდის შინაარსის შესახებ ყალბია!”.
