როგორც ბრიტანული გამოცემა The Times წერს, ლონდონში ბეიკერ სტრიტზე მდებარე შერლოკ ჰოლმსის სახლის მფლობელი, სადაც “შერლოკ ჰოლმსის მუზეუმია”, ყაზახეთის ყოფილი პრეზიდენტის ნურსულთან ნაზარბაევის ქალიშვილი, 57 წლის დარიგა არის.

გამოცემა აკონკრეტებს, რომ ნაზარბაევების ოჯახის მფლობელობაში ბეიკერ სტრიტზე ის სახლებია, რომელიც 215-დან 237 ნომრამდე მდებარეობს. მათი ღირებულება 185 მილიონ დოლარს შეადგენს.

ლონდონში მდებარე ყველაზე პოპულარული სახლის მფლობელის შესახებ, ინფორმაცია ნაწილობრივ მას შემდეგ დადასტურდა, როდესაც SourceMaterial-ზე ჟურნალისტებისთვის ხელმისაწვდომი გახდა ახალი დოკუმენტები.

ნაზარბაევის ქალიშვილის წარმომადგენლებმა ჟურნალისტებთან ამ თემაზე საუბარი არ ისურვეს.

შეგახსენებთ, რამდენიმე წლის წინ დარიგა ნაზარბაევი “ფორბსის” მილიონრების ჩამონათვალშიც მოხვდა.

შერლოკ ჰოლმსი, არტურ კონან დოილის მიერ შექმნილი ლიტერატურული პერსონაჟია. კონან დოილმა შექმნა მოთხრობების მთელი სერია ცნობილი დეტექტივის შერლოკ ჰოლმსის თავგადასავლების შესახებ. ეს ნაწარმოებები ითვლება დეტექტივური ჟანრის კლასიკად. ნაწარმოებებში თხრობა მიმდინარეობს შერლოკის მუდმივი თანამგზავრის — ექიმი უოტსონისგან. უოტსონი აღწერს ჰოლმსის გამოძიებებს, ცნობილი „დედუქციური მეთოდის“ გამოყენებით, თუმცა გამოძიების ბოლომდე მას არ ესმის თუ როგორ ხსნის ჰოლმსი ბოროტმოქმედებას, ხოლო ბოლოს ჰოლმსი უხსნის უოტსონს თავის მოქმედებებს. მიუხედავად იმისა, რომ შერლოკ ჰოლმსი გამოგონილი პიროვნებაა, როგორც არტურ კონან დოილი აღწერდა მის მოთხრობებში შერლოკის საცხოვრებელი სახლი მდებარეობდა ლონდონის ცენტრში, ბეიკერ სტრიტის 221ბ–ში. სახლი ვიქტორიანულ სტილია გაწყობილი.