ნიუ-იორკში მცხოვრები კარდიოლოგი, ნანა გეგეჭკორი თავისი ფეისბუქპოსტით “გინების თემას” ეხმიანება, რომელიც ამ დღეებში აქტუალურია. ბერა ივანიშვილმა თავის სატელევიზიო ინტერვიუში თქვა, რომ დედის გინებას არავის შეარჩენს. ეს თემა, დღეს, მთავარი განსჯის საგანია.
აი, რას იგონებს ექიმი “ფეისბუქზე”.
ნანა გეგეჭკორი: – ახალი გამოყრილები ვიყავით აფხაზეთიდან. თბილისში გადმოვბარგდით. ერთ დღეს მამა აღშფოთებული ამოვიდა ეზოდან. კაცები იკრიბებოდნენ ხოლმე ჩვენს სადარბაზოსთან მოწყობილ პატარა სკვერში.
რაც არ უნდა ამბავი მოეყოლათ, ყოველ წინადადებას ზედ აყოლებდნენ, “ჩემი დედა მ…..ნ-ო”. ჰოდა მორიგ ჯერზე, საკუთარი დედის გულიანად შემგინებელს, შეაშველა – “მეცო”… გაოგნებულებმა შემომხედეს და მეტი სიცხადისთვის განვუმარტე, საკუთარ დედას თუ ასე გულით აგინებ, ჩემგან რაღა უნდა გეწყინოსო…
მას მერე ეზოში აღარ ჩადიოდა, ვერაფრით ჰგუობდა გინების ამ უცნაურ ფორმას. მალე ინფარქტით გარდაიცვალა კიდეც, 43 წლისა…
სულ ესაა ქართველი კაცი და მისი ღირსება… სამწუხაროდ.
P.შ. ყველას არ ეხება ცხადია. არიან წესიერებიც.
