ჟურნალისტი ხატია სიჭინავა იმ დედების რიცხვს მიეკუთვნება, რომლებიც კორონავირუსის გავრცელების მიუხედავად, მოითხოვენ, სკოლებში სწავლა განახლდეს.
ამ მოთხოვნით ხატიამ საპროტესტო აქციაც კი მოაწყო, მაგრამ ჯერჯერობით მიზანს ვერ მიაღწია.
ყოფილმა სკანდალურმა ჟურნალისტმა ცოტა ხნის წინ, სოციალურ ქსელში პოსტი გამოაქვეყნა.
“სკოლა არ დაიწყება არც ოქტომბერში, არც ნოემბერში… და ეს არ არის ჩვენი მთავრობის გადასაწყვეტი, რადგან მოკლე დროში მთავრობაც არ გვეყოლება.
მეტიც, მოქალაქეობაც არ გვექნება პასპორტში. დიახ, მსოფლიო უნდა გაერთიანდეს, ვერაფერი შეცვლის წინასწარმეტყველებას.
ცალი თვალი მაინც ვისაც აქვს გადავლებული ბიბლიისთვის იცის, რომ ერთიან მსოფლიოს ერთმმართველი ეყოლება და კი არიან ისეთები ვინც დღეს იცინის,
ვიღაცეები აიცრებიან, დაიჩიპებიან და უკვე მერამდენედ უარყოფენ ღმერთს…
დღეს ჩემმა ქმარმა მითხრა, შეუცნობელია ღვთის გზები, იქნებ ამ ასწლეულში არ მოხდეს და ავცდეთო, მაგრამ როგორც მამა გაბრიელმა თქვა, ის კარებთან დგას, კი არ გიკაკუნებთ, კარებს ანგრევს და ელოდება თქვენს მიპატიჟებას, რომ კარი გაუღოთ!
ერთი სუსტი წერტილი აქვს ბოროტს, თუ კარი არ გაუღე და არ მიიპატიჟე, ისე ვერ შემოდის შენს სამყაროში, გულში და ცხოვრებაში. ხოდა გაუღეთ… შიში ამაში ძალიან შეგიწყობთ ხელს! ჩვენი მთავრობა რუპორია…
ვინ იშიმშილებს და ვინ ვერ გაუძლებს წინასამზადის პერიოდს, არც ეგ ანაღვლებს არავის. ვწუხვარ რომ ჩემს შვილებს მოუწიათ ამ დროში ცხოვრება. ვწუხვარ, რომ ღმერთი აღარ ცხოვრობს ბევრის სახლში და გულში.
ვწუხვარ რომ მე ერთი ცალი, ან თუნდაც ათი ჩემნაირი, საკმარისი არ არის ამ ბრძოლისთვის. და თუ მაინც საჭიროა ჩემი ხმა, თუ ვიღაცის გულამდე მაინც შემიძლია მივიტანო ამბავი უფალო, მომეცი ძალა… დანარჩენი ყოველდღიურად და ნაბიჯ-ნაბიჯ იხილეთ საკუთარი თვალებით, რომელიც ზოგიერთებს გვიან აგეხილებათ… და მაინც… ოდითგანვე ასე იყო… ბოროტსა სძლია კეთილმან.
