დღეს დილით სოციალურ ქსელში ვირუსულად გავრცელდა ვიდეო, სადაც აჭარის ტელევიზიის წამყვანი ამინდის პროგნოზს აცხადებს. ვიდეოს დიდი გამოხმაურება მოჰყვა.

“პრაიმამბები” გადაცემის წამყვანს დაუკავშირდა. კობა ფარტენაძემ ეთერში მომხდარ ინციდენტზე დეტალურად ისაუბრა.

თუმცა მანამდე საკუთარი თავი მკითხველს გააცნო.

კობა ფარტენაძე: – ბავშვობიდან ვაკვირდებოდი ამინდს, ჯერ ჩავაბარე მეტეოროლოგიაზე, შემდეგ ეკოლოგიაზე და მაგისტრატურაც ამ კუთხით დავამთავრე. გავლილი მაქვს ჟურნალისტიკის და პიარის კურსები. 19 წლის ასაკში დავიწყე მუშაობა აჭარის რადიოში, სადაც მეტეროლოგიურ პროგნოზს ვაცნობდი ხალხს, ხუთი წელია უკვე ტელევიზიაში ვმუშაობ, სადაც დილის გადაცემის თანაწამყვანი ვარ, ასევე მაქვს ჩემი გადაცემა და საინფორმაციოში ამინდის პროგნოზი მიმყავს.

– თქვენს მიერ გამოცხადებულ ამინდის პროგნოზს სოციალურ ქსელში დიდი გამოხმაურება მოჰყვა, რა მოხდა რეალურად?

– ზუსტად ის ვთქვი რაც უნდა მეთქვა. ეთერში მე სუფლიორი არ მაქვს. სენსიტიურად ვუდგები მეტეოროლოგიას, წინა დღით მქონდა გრაფიკაზე პრობლემა, რაზეც ემოციურად მქონდა რეაქცია.

არ მინდა ხარვეზით გავიდეს ამინდის პროგნოზი ეთერში, ჩემს მიერ მიწოდებული რუკა ხარვეზით მომაწოდეს.

დასახიჩრებული სახით გავიდა საქართველოს რუკა ეთერში და პირდაპირ ეთერში ვთქვი რაც უნდა მეთქვა, სხვანაირად ორი დღის მანძილზე ვერ მოგვარდა პრობლემა.

– რა პრობლემის გამო გადიოდა საქართველოს რუკა ორი დღე ხარვეზით ეთერში?

– მრავალი პრობლემა გამოიკვეთა, გამშვების პრობლემაც ყოფილა, პასუხისმგებლობას გაურბოდნენ თანამშრომლები და მე პირდაპირ ეთერში ვთქვი რაც ვთქვი.
– არ მოგცეს შენიშვნა?
– დავწერე მოხსენებითი ბარათი, სადაც განვმარტე რატომ ვთქვი ეს და დღეს უკვე ჩვეულებრივი ფორმატით ვიყავი ეთერში.

https://www.facebook.com/beka.korshia/videos/3717767794925283