ნიკოლოზ რაჭველი მეგობრებს ფილმ August Rush-ის ნახვას ურჩევს. თუ რატომ, ამაზე თავად მაესტრო, სოციალურ ქსელში, ასეთ კომენტარს აკეთებს.
ნიკოლოზ რაჭველი: – ჩემმა მეგობარმა ლაშა ლაგვილავამ მირჩია (მეტიც, დამაძალა) ამერიკული მხატვრული ფილმის August Rush-ის ნახვა. თვალცრემლიანმა დავასრულე ყურება, არა იმიტომ, რომ ემოციური ფინალი აქვს, არამედ ჩემთვის კიდევ სხვაგვარად ახლოა ფილმის სიუჟეტი და მთავარი გმირის ამბავი, ძალიან ძლიერია თვითიდენტიფიცირება…
ჰოდა, FB მეგობრებს, ვისაც გაინტერესებთ ჩემი წარსულის და ცოტნე ზედგინიძის აწმყოს ჰოლივუდური ეკრანიზაცია, გირჩევთ ერთი ლამაზი საღამო ამ ფილმთან ერთად გაატაროთ.
