ოპერის მომღერალ ნინო სურგულაძეს გუშინ მამა გარდაეცვალა. მომღერალმა, სოციალურ ქსელში, ემოციური გამოსამშვიდობებელი პოსტი დაწერა.
“ის ყველაფერიც უნდა მახსოვდეს, რაც აქამდე იყო, სულ უნდა ვიფიქრო დაუსრულებლად, მოფერება ხომ მოვასწარი ისე, როგორც მინდოდა. იქნებ ასე ცოტა შემსუბუქდეს ტკივილი, ტკივილი, რომელსაც არც სახელი აქვს, არც დასასრული…” – წერდა ნინო.
დღეს კი ნინომ, პირადად მისასამძიმრებლად მისვლის მსურველთათვის, ახალი პოსტი გამოქვეყნა.
ნინო სურგულაძე: – მეგობრებო, მადლობა ჩემი ტკივილის გაზიარებისთვის. მე ყოველთვის ვგრძნობ თქვენ გულწრფელ სიყვარულს და თანადგომას და ამას ძალიან ვაფასებ. ვიცი, რომ ბევრი თქვენგანი პირადად აპირებს მოსამძიმრებას, მაგრამ ეპიდემიოლოგიური ვითარების გათვალისწინებით, გთხოვთ ყველას, ნუ ჩაიგდებთ თავს საფრთხეში. გაუფრთხილდით ჯანმრთელობას, დარჩით სახლში. ახლა ერთმანეთის მოფრთხილებაა ყველაზე მნიშვნელოვანი. თქვენ მაინც ყოველთვის ჩემს გვერდით ხართ, მადლობა ყველაფრისთვის
