“რუსთავი 2”-ის დილის გადაცემაში “დილა მშვიდობისა საქართველო”, პირდაპირი ჩართვისას მოსახლეობამ საპატრულო პოლიცია გამოიძახა.
გადაცემის მსვლელობისას, ნინუცა როსტიაშვილის რუბრიკაში ეთერში ანსამბლი “ერისიონი” ჩაერთო, რომელმაც მაყურებლის განწყობაზე სიმღერით იზრუნა, თუმცა ფოლკლორის ცენტრის მიმდებარე ტერიტორიაზე მცხოვრები მეზობელი გაღიზიანდა და ე.წ. საუნდჩეკის დროს გადამღებ ჯგუფთან და მუსიკოსებთან სიტყვიერი შელაპარაკება მოუვიდა.
რა მოხდა დეტალურად, ამის გასარკვევად “პრაიმაბები”, ჟურნალისტ ნინუცა როსტიაშვილს დაუკავშირდა.
– ცხრის ნახევარზე გვქონდა ანსამბლ “ერისიონის” ჩართვა დილის გადაცემის ეთერში. ანსამბლი ჩართვამდე საუნდჩეკს გადიოდა, რა დროსაც ფოლკლორის ცენტრთან მცხოვრები ბიჭი გამოვიდა და გვითხრა: ჩვენ დაძინება გვინდა და ნუ მღერითო. მოგვიანებით კი, ქალბატონი გამოვიდა, ნუ ღრიალებთ, თორემ პატრულს გამოვიძახებო და გამოიძახა საპატრულო პოლიცია.
ადგილზე როცა მოვიდნენ სამართალდამცავები, გაერკვნენ სიტუაციაში, იმ გოგონას ხელი მოაწერინეს ოქმზე და მშვიდობიანად დასრულდა ყველაფერი.
