26 წლის გოგონა, რომელიც წლების განმავლობაში ჭარბ წონას ებრძოდა, დიდი ბრიტანეთის სილამაზის კონკურსის გამარჯვებული გახდა. ამის შესახებ “დეილი მეილი” წერს.
გამოცემის ცნობით, ჯეინ ეტკინს წონის დაკლებაზე უფრო მეტად ფსიქოლოგიური პრობლემის დაძლევა გაუჭირდა.
ჭარბი წონის დროს ის საზოგადოების მხრიდან ბულინგის მსხვერპლი იყო. ადამიანები მსუქანს ეძახდნენ და ეუბნებოდნენ, რომ მისგან “არაფერი დადგებოდა.”
რთული და წინააღმდეგობებით სავსე წარსული გოგონამ უკან მოიტოვა და ახლა მის ცხოვრებაში ბედნიერების ეტაპი დადგა. ჯეინმა “მის
დიდი ბრიტანეთის” ტიტული მოიპოვა და გარდა ამისა, ადამიანებს ჯანსაღ და სწორ კვებას ასწავლის.
მისი თქმით, კალორიების მიღება აუცილებელი იმისთვის, რომ გადარჩეთ, მაგრამ აუცილებლად უნდა გაითვალისწინოთ მათი რაოდენობა. “დიეტა არ ნიშნავს შიმშილს”, – ამბობს ჯეინი.
