სინდი კროუფორდის ქალიშვილს, უმშვენიერეს კაია გერბერს ახალი შეყვარებული ჰყავს. მოდელის რჩეული ამჯერად ჯეიქობ ელორდია.
წყვილი პაპარაცების წინაშე გამოჩენას არ ერიდება და შესაბამისად ამერიკული პრესაც აჭრელებულია მათი ფოტოებით.
ჯეიქობის და კაიას ურთიერთობა რომანტიული სეირნობებით დაიწყო, შემდეგ კი გრძნობები უფრო გამძაფრდა.
როგორც ჩანს, სინდი კროუფორდი და მისი ქმარი, ქალიშვილის ახალი არჩევანით კმაყოფილები არიან. რადგან ახალგაზრდებმა მექსიკაში სწორედ კაია გერბერის მშობლებთან ერთად დაისვენეს.
თუ უცხოურ პრესას დავუჯერებთ, სინდი კროუფორდი შვილის პირად ცხოვრებაში აქტიურად ერევა. გასული წლის იანვარში, კომიკოს პიტ დევიდსონს კაია გერბერი სწორედ მშობლებმა დააშორეს.
არსებული ინფორმაციით, შვილის არჩევანს მშობლები დევიდსონის არასტაბილური ხასიათის გამო არ იწონებდნენ. მას სხვადასხვა დროს არაერთ ცნობილ ქალთან ჰქონდა რომანი, სწორედ ამიტომ კაიას მშობლებს არ სურთ გულისტკივილი მათმა ქალიშვილმაც გადაიტანოს.
რაც შეეხება ჯეიქობ ელორდის ყოფილ სასიყვარულო რომანებს, ბოლოს ის მსახიობ ზენდეიას ხვდებოდა. მიუხედავად დაშორებისა, დღემდე მეგობრულ ურთიერთობას ინარჩუნებენ.
