ცნობილი ჩოგბურთელის ნიკოლოზ ბასილაშვილის მეუღლემ, ნელი დოროყაშვილმა “შაბათის ფორმულასთან” ნიკოლოზ ბასილაშვილთან დაშორების დეტალებზე ისაუბრა.
“დავშორდით იმის გამო, რომ ძალადობას ვეღარ მოვითმენდი. ძალადობას პერმანენტული ხასიათი ჰქონდა.
პირველად მან ჩემზე დაშორების შემდეგ იძალადა – 2020 წლის 21 მაისს. ზოგადად მტკიცებულებები არის საქმეში, ვიდეოჩანაწერები ასევე ვოისები, ფსიქოლოგიური ექსპერტიზის დასკვნა, სამხარაულის დასკვნა. დიდი სისხლნარევი ნაჟღენთები მქონდა” – ამბობს დოროყაშვილი.
ჩოგბურთელის ყოფილი მეუღლე, ამბობს რომ ქმრის და ქმრის ოჯახის მოთხოვნით უარი თქვა კარიერაზე.
“ნიკას და მისი ოჯახის მხრიდან იყო ასეთი მოთხოვნა, უნდა დამენებებინა თავი სწავლისთვის, არ უნდა ჩამებარებინა მაგისტრატურაზე. ჩემი ცხოვრება დავკარგე და მისი კარიერა გახდა ჩემი კარიერა” – განაცხადა მან.
ნელი დოროყაშვილმა ნიკოლოზ ბასილაშვილზე 2013 წელს იქორწინა.
