მოსკოვის ცენტრში გვიან ღამით ტრაგედია დატრიალდა. შოუ “Холостяк”-ის ვარსკვლავი ვიქტორია კოროტკოვამ მამაკაცის სიცოცხლე შეიწირა. ის ჯიპის მარკის ავტომობილით “მერსედეს გელენდვაგენით” მამაკაცს იმ დროს დაეჯახა, როდესაც გზაზე გადადიოდა.
დაშავებული მძიმე ტრავმების გამო, სასწრაფო სამედიცინო ბრიგადის მოსვლამდე ადგილზე გარდაიცვალა.
ტელეკომპანია РЕН ТВ-მ სათვალთვალო კამერით გადაღებული კადრები გაასაჯაროვა, სადაც ავარიაა ასახული. კადრებში ჩანს, როგორ ცდილობს ავტომობილის დამუხრუჭებას ვიქტორია კოროტკოვა.
რუსული პრესის ინფორმაციით, გოგონა საყვარელი მამაკაცის რაგიმ შამშილოვის ავტომობილს მართავდა. ალკოტესტის ჩატარების შემდეგ, დადგინდა, რომ გოგონა ავტოავარიის დროს სრულიად ფხიზელი იყო.
ადგილზე ჩატარდა საგამოძიებო სამუშაოები, რომელშიც ექსპერტ-კრიმინალისტები მუშაობდნენ. აღსანიშნავია, რომ ვიქტორია სასწრაფო დახმარების ბრიგადამ ტვინის შერყევის ეჭვით კლინიკაში გადაიყვანა, საიდანაც დღეს დილით გაწერეს.
