თამუნა მუსერიძე მესამე შვილის დედა გახდა. ჟურნალისტს ქალიშვილი გაუჩნდა. “დაგვასწრო, დაიბადა” – ასეთ სტატუსს აქვეყნებს სოციალურ ქსელში.
როგორც “პრაიმამბებს” უყვება, საკეისრო ჰქონდა დაგეგმილი, მაგრამ პატარამ რამდენიმე დღის ადრე ინება დაბადება.
ახალშობილს სახელი მამამ, მსახიობმა სანდრო მიკუჩაძემ შეურჩია. ანიკა თამუნას და სანდროს მეორე საერთო შვილია. პირველი ქორწინებიდან, ორივეს, თითო შვილი ჰყავთ.
თამუნა მუსერიძე: – ანიკა სანდრომ დაარქვა. ცხრა შვილი მყავს და ერთზე მაინც დამარქმევინე სახელიო. და მივეცი ამის უფლება.
პირველი ორი შვილი საკეისროთი გავაჩინე და ამიტომ მესამეზეც საკეისრო დავგეგმე, 24 ნოემბერს. მაგრამ გუშინ ტკივილი დამეწყო. არ მეგონა სამშობიარო ტკივილი თუ იყო. ვიფიქრე, გავუძლებ-მეთქი. ექიმს გადავურეკე და მოდი ახლავეო. აღმოჩნდა, რომ უკვე სამ თითზე ვიყავი გახსნილი… ბავშვი იბადებოდა, ძლივს მივასწარით მისვლა.
ამ ეტაპზე ანიკა მარიანას ჰგავს, დაიკოს. სანდრო მარიანას დაბადებას დაესწრო. ახლა კარანტინის გამო უცებ შემაქანეს, უცებ გაჩნდა ბავშვიც, ჯერ ვერაფერს ხვდება…
