არმენ ჯიგარხანიანის ახალგაზრდა მეგობარმა გოგონამ, ვიტალინა ციმბალიუკ-რომანოვსკაიამ გადაცემაში “Алена, блин!”, ყველა კითხვას გულახდილად უპასუხა და ის დრო გაიხსენა, როდესაც არტისტი შეუყვარდა.
“მე მას ტელეფონის ნომერი დავუტოვე და თეატრში შევხვდი. მან მითხრა, რომ მაქვს დიდი ენერგია და იქვე რესტორანში დამპატიჟა.
მოგვიანებით კი შემომთავაზა, ჩაის დასალევად მის სახლში წავსულიყავით. რატომ უნდა მეთქვა უარი, როცა ჩემს ოცნებასთან ასე ახლოს ვიყავი?
ეს ჩემი პირველი სერიოზული ურთიერთობა იყო მამაკაცთან. მეორე დღეს მე ჩემს ქალაქში უნდა დავბრუნებულიყავი. არმენ ჯიგარხანიანმა გამაცილა და სასტუმროდან ნივთების წამოღებაშიც დამეხმარა.
როდესაც სადგურზე მივედით, შევთანხმდით, თავისუფალ დროს კიდევ ვესტუმრებოდი მას” – იხსენებს ჯიგარხანიანის ყოფილი ცოლი.
ვიტალინამ ასევე უპასუხა ჭორს, რომლის მიხედვით მან საყვარელი მამაკაცი ოჯახს წაართვა.
“სანამ ჩვენი ურთიერთობა დაიწყებოდა, მან ბევრად დიდი ხნის წინ თქვა უარი ცოლთან ურთიერთობაზე. არმენ ბორისოვიჩი არ იყო ის ადამიანი, რომელიც ერთთან იცხოვრებდა და სხვა არ დააინტერესებდა. მე ის მიყვარდა და არაფერზე დავფიქრებულვარ. ისედაც კარგად ჩანდა, რომ ცოლთან ურთიერთობა არ ჰქონდა.
დაქორწინებაზე არც მიფიქრია, ჩვენ 8 წელი ვხვდებოდით ერთმანეთს” – განაცხადა გადაცემის სტუმარმა.
არმენ ჯიგარხანიანი 38 წლის ვიტალინას 82 წლის ასაკში სკანდალურად დაშორდა. ის ყოფილ საყვარელ ქალს თეატრიდან ფულის მოპარვას აბრალებდა.
მაშინ ვიტალინა თბილისში ჩამოვიდა და შეეცადა სტრესს ტანვარჯიშით და საქართველოში ყოფნით გამკლავებოდა.