“ქართული ხმები” ოპოზიციურ პარტიებს მოუწოდებს სიმღერა “მაგრად დაჰკარი” საპროტესტო აქციებზე არ იმღერონ, თუმცა ამ მოწოდებას სიმღერის ტექსტის ავტორის, პოეტ ჯანსუღ ჩარკვიანის ქალიშვილი და ოპოზიციის წევრი, თაკო ჩარკვიანი არ ეთანხმება.
თაკო ჩარკვიანი: – ჯანსუღ ჩარკვიანის ლექსზე დაწერილ სიმღერაზე პროტესტი ვერავის ვერ ექნება. ახლა საავტორო უფლებების მფლობელს ელაპარაკებით. მე მაქვს მამას საავტორო უფლება. მამუკა ჩარკვიანი თანახმაა, რომ ეს სიმღერა ყველგნა გაჟღერდეს. ეს არის სახალხო პოეტის ლექსზე დაწერილი სახალხო სიმღერა.
ეს არის 1972 წელს დაწერილი ლექსი “ჰიმნი თავისუფლებას”. კომუნისტების დროს, ფოთოლი რომ არ შრიალებდა, მაშინ მიუძღვნა თავისუფლებას ჰიმნი. ტყვია მიზანში მოსახევდრიაო.
გახსოვთ, წინა ხელისუფლების დროს მთელი ოჯახი ოპოზიციაში ვიყავით, ამ სიმღერით პარლამენტში შევიდა მიხეილ სააკაშვილი. ეს სიმღერა მას მოსწონდა და ხშირად ატრიალებდა. მამას არაფერი უთქვამს. სულ ხუმრობდა, ჩემი სიმღერით შევიდნენ პარლამენტშიო.
სააკაშვილის დროს დაგვიკავშირდნენ და მამას კითხეს, შეიძლება ჯარმა იმღეროსო? (ხშირად რაგბისტები მღერიან და ყველას ვენაცვალე.) მამამ უთხრა, ოღონდ საქართველოსთვის გაჟღერდეს და რაზეა ლაპარაკიო.
ზურა ლოლაძეს ვერ ექნება პროტესტი და მისი ხმა, თუ უნდა ამოიღოს ნამღერიდან. ამ სიმღერას მთელი საქართველო მღერის და ის მხოლოდ ზურა ლოლაძეს არ უმღერია. დიდი ბოდიში. ამ ხალხის ტვინი იმისტობა-ამისტობამდე დავიდა. ამ პარტიულ სისულელეებში უკვე საქართველოს ვკარგავთ.
ძალიან მენანება ზურა თუ ამ აზროვნებაშია. სამართლებრივად პირდაპირ ვეუბნები, მსგავსი სისულელე არ გამაგონოს. საავტორო უფლების პატრონები ჩვენ ვართ – ჩარკვიანების ოჯახი. განაგრძეთ კითხვა
