მსახიობი კახა გოგიძე “ტვ პირველის” ეთერში, ეკა მიშველაძის გადაცემაში (“საჯარო პოლიტიკა” ) სტუმრობისას, ახალ შეზღუდვებთან დაკავშირებით გაკეთებული კომენტარის გამო, გააკრიტიკეს. მსახიობმა და რეჟისორმა ამ მდგომარეობის ასაღწერად გამოიყენა სიტყვა – “დაგვენძრა”, რისთვისაც “ფეისბუქზე” გაკეთებულ კომენტარებში, მსახიობს, არაეთიკურობაში დასდეს ბრალი.
აი, რა თქვა გოგიძემ გადაცემაში სტუმრობისას.
კახა გოგიძე: – პრობლემებს ემალებიან და როდემდე დაემალებიან, არ ვიცი. მთავრობებს მომთმენი ხალხი კვებავს. შეიძლება ჩვენ მოვუთმინოთ ერთმანეთს, მაგრამ აქ მოთმენით, ვერ მოიგებ. არაადეკვატური შეზღუდვაა. ცხრა საათზე რატომ მიკეტავ კარს? შვიდ საათზე და რვა საათზე არ გადამედება ვირუსი? შენ რომ მანდ დაგსვი და “ერის მამის” იერით რომ დგახარ, ეგრე არ არის.
ასე არ შეიძლება ხალხო, არა! ლოგიკა არ გაქვთ. თუ გავბრაზდით, ქართველებს ლოგიკა რა გვაქვს. მაგრამ ისეთი რამე მითხარი, რომ დამაჯერო. თქვენ არ ხართ ჩვენი “ნაჩალნიკები”, რასაც ჩვენ გიბრძანეთ, ისე უნდა გააკეთოთ.
