საქართველოს კინემატოგრაფიის ეროვნულმა ცენტრმა ახლხან გაავრცელა ინფორმაცია, რომ ფილმი “დასაწყისი” – საქართველოს კანდიდატი ფილმია “ოსკარის” საერთაშორისო სრულმეტრაჟიანი ფილმის ნომინაციისთვის.
ცენტრის ფეისბუქგვერდზე ვკითხულობთ, რომ გადაწყვეტილება, ფარული კენჭისყრის საფუძველზე, სპეციალურმა კომისიამ რამდენიმე წუთის წინ მიიღო.
დეა კულუმბეგაშვილის ფილმი სან სებასტიანის საერთაშორისო კინოფესტივალზე ოთხი პრიზის მფლობელი გახდა. ია სუხიტაშვილი საუკეთესო ქალ მსახიობად დასახელდა. მსახიობმა ვერცხლის ნიჟარა აიღო.
კინოფესტივალის მთავარი ჯილდო – ოქროს ნიჟარა გადაეცა თავად ფილმს. საუკეთესო რეჟისორის ჯილდო გადაეცა, ასევე, დეა კულუმბეგაშვილს. საუკეთესო სცენარის ჯილდოც მას და რატი ონელს გადაეცათ.
