ქართული შოუბიზნესის წარმომადგენლებს, ბედობას აქვთ ერთი ტრადიცია – ქართული სცენის ლეგენდას, ნანი ბრეგვაძეს სტუმრობენ.
არაფერი სჯობს ამ დროს იქ ყოფნას. არის სიცილი, სითბო და ბევრი სიმღერა… ტკბილი ჰანგებით გაჯერებულია მომღერლის სახლი. მოდიან და მიდიან მომღერლები, ხან ნანი ზის ინსტრუმენტთან, ხან ნიკოლოზ რაჭველი, ხან ეკა მამალაძე…
ტრადიციის შემადგენლობა ყოველწლიურად იცვლება, თუმცა არიან მუდმივი წევრები, მათ შორის, მაესტრო ნიკოლოზ რაჭველი, მარინა ბერიძე, ნინო ნახუცრიშვილი…
წელს დიდი ბებოს ტრადიციულ საღამოს ნატალია ქუთათელაძის პატარა ვაჟი, სანდრო პირველად დაესწრო. როგორც ნატალია ამბობს, პატარა, მუსიკას საოცრად გრძნობს. როდესაც უმღერის, მასზე ემოციურად მოქმედებს და ეტირება.
როგორც გავიგეთ, ტრადიცია მის გამო შეიცვალა და 1 იანვრის საღამოდან დაიწყო, რადგანაც ლიზა ორში გერმანიში ქმარ-შვილთან ერთად მიფრინავდა.
ცოტათი არეულ ტრადიციულ საღამოზე მარინა ბერიძე გვიყვება.
მარინა ბერიძე: – წელს ტრადიცია დავარღვიეთ და პირველი იანვრის ღამიდან დავიწყეთ, რადგან ლიზა ბათიაშვილი მიფრინავდა ორში. ღამის 12 საათზე მოვაწყეთ ამბავი.
ბევრი წელია ეს ტრადიცია არსებობს. რაც ნანი არსებობს, დედამისიდან მოყოლებული, მათ სახლში ორი იანვარი ღია კარის დღეა. დედამისი ხვდებოდა ნანის მეგობრებს, აღნიშნავდნენ ამ დღეს და იქიდან მოყოლებული ეს ტრადიცია მოდის და მოდის.
წელს პირველად ამ ტრადიციის სტუმარი ლიზა ბათიაშვილი იყო. ვიოლინოზე უკრავდა და ჯადოსნური ღამე გამოვიდა.