მაია ბარათაშვილი იუბილარია. შარშან 3 მარტს, საკუთარ დაბადების დღეზე, სოლო კონცერტი გამართა, დიდი, გრანდიოზული, სანახაობრივი, მრავალფეროვანი, რომელსაც ცოტა შიში ახლდა, მაყურებელი მივიდოდა თუ არა, რადგან კორონავირუსი ახალი შემოსული იყო და ნელ-ნელა პანიკა ითესებოდა.
მაია ბარათაშვილი: – ასე მგონია, რომ დღესაც ინერციით გამოყოლილი ის სიხარული და აღმატებული გრძნობა გამომყვა, შარშან 3 მარტს რომ მქონდა. დღესაც იმ საკონცერტო მასალას ვუყურებ და მიხარია. თუმცა მე მიყვარს წინ სიარული. პანდემიის დროს ჩავწერე დისკი. ამაზე ჯერ ვერ ვისაუბრებ.
გარდა ამისა იტალიურ ენას ვეუფლები. აუცილებელია თვითგანათლება. ამას ვამბობ სულ. ასეთი ჩაკეტილობის დროს, სტაგნაცია რომ არ იგრძნო, თვითგანათლებას უნდა მიჰყო ხელი. უნიკალური მეთოდით დავიწყე იტალიურის სწავლა. ამ მეთოდს მსოფლიოში ანალოგი არ აქვს, ეს არის ფილმებით უცხო ენების შესწავლა.
ორი თვეა ვსწავლობ და ბევრი რამ შევისწავლე. ერთ წელიწადში ისეთი ცოდნა გიჭირავს, რომ მერე მარტოც შეძლებ ენის ოპერირებას. გაგრძელება…
