ეს ზაფხული ნანუკა ჟორჟოლიანისთვის რთული აღმოჩნდა. მძიმე ავადმყოფობის შემდეგ მას დედა გარდაეცვალა. ნანუკა ცდილობს ამაზე არ ილაპარაკოს, რადგან მისთვის უმძიმესი თემაა.
– არ მინდა ამ თემას შევეხო, ეს თემა ჩავკეტე და თუ შევეხები არჩევნებს ვეღარ ჩავატარებ. ძალიან რთული რეაბილიტაცია დამჭირდა, რომ ამ კოშმარიდან გამოვსულიყავი. ამიტომ ამ თემას აღარ ვუბრუნდები.
ძალიან რთულია დაობლება. მგონია ჭიპლარი წყდება სამყაროსთან დედის გარდაცვალების შემდეგ.
მარტო რჩები, ასაკშიც მაგ დროს შედიხარ.
– ასეთ დროს, როცა უდედობას მძაფრად გრძნობთ, როგორ უმკლავდებით განცდებს?
– მივდივარ იმ ადამიანებთან ჩემს დახმარებას რომ მოახერხებენ. დაჯი, რომ დავკრძალეთ 3 დღეში გავფრინდი ქვეყნიდან და თვეზე მეტი აქ არ ვიყავი.
ევროპაში გავფრინდი, მარიამის ბინა მქონდა ჩასაბარებელი და მანამდე შემეძლო ერთი თვე იმ ბინაში ვყოფილიყავი, რადგან გადახდილი გვქონდა ქირა. ევროპაში წასვლაც დამეხმარა ამ ამბავში.
– მამა როგორ არის, როგორ შეცვალა ახალმა რეალობამ?
– მამაც ახალი გამოწვევის წინაშეა და მხოლოდ მისთვის ღირდა, რომ თანხმობა მეთქვა მაჟორიტარობობაზე, რადგან ზურიკო ჩაერთო ამ ამბავში.
სახლში შტაბი აქვს გახსნილი, სოფლებში არკვევს რაღაცეებს…
ძალიან საქმეშია და ღირდა ამ ამბავში ჩართვა, რადგან დარდისთვის აღარ სცალია.
ჟურნალი “სარკე”
